بۇرىنعى پرەزيدەنتتىڭ قىزى اكەسىنىڭ ەشقايدا قاشپاعانىن ايتتى

نۇر-سۇلتان. قازاقپارات - قىرعىزستاننىڭ بۇرىنعى پرەزيدەنتى المازبەك اتامبايەۆتىڭ قىزى اليا شاگيەۆا اكەسىنىڭ ۇستالماعانىن ايتتى.

ول Instagram پاراعىندا «بىرىنشىدەن، اكەم ەشقايدا قاشقان جوق. ەشكىم ونى ۇستاعان جوق. «ول قاۋىپسىز جەردە» دەگەن ءسوز - جالعان. ول قوي-تاشتا» دەپ جازدى.

7- تامىزدا بىشكەك ۋاقىتىمەن كەشكى ساعات سەگىز شاماسىندا ارنايى جاساق ەكس-رەزيدەنت المازبەك اتامبايەۆتى ۇستاۋ وپەراتسياسى باستاعان. قىرعىزستان مەملەكەتتىك ۇلتتىق قاۋىپسىزدىك كوميتەتى وپەراتسيا ءالى جالعاسىپ جاتقانىن حابارلادى. اتامبايەۆ جاقتاستارىنىڭ سوزىنشە، بۇرىنعى پرەزيدەنت ءۇيىنىڭ ىشىندە وتىر.

27- ماۋسىمدا قىرعىزستان پارلامەنتى المازبەك اتامبايەۆتى ەكس-پرەزيدەنت جانە تيىسپەۋشىلىك مارتەبەسىنەن ايىرعان. كەيىن ءى ءى م اتامبايەۆتى تەرگەۋگە شاقىرا باستادى.

قىرعىزستاننىڭ بۇرىنعى پرەزيدەنتىنە قىزمەتتە ءجۇرىپ جەمقورلىققا جول بەردى، وكىلەتىن اسىرا پايدالاندى جانە زاڭسىز بايىدى دەگەن سياقتى جالپى سانى بەس ايىپ تاعىلعان. پروكۋراتۋرا اتامبايەۆ قىلمىستىق توپتار اراسىندا تانىمال ازيز باتۋكايەۆتىڭ زاڭسىز بوساتىلۋىمەن بايلانىستى ىستە كۋاگەر رەتىندە تانىلعانىن مالىمدەگەن.

اتامبايەۆ بۇل ايىپتاردىڭ ءبارىن جوققا شىعارىپ، ءوزىن تەرگەۋگە شاقىرۋدىڭ ساياسي استارى بار دەپ مالىمدەگەن. ول ازيز باتۋكايەۆتى بوساتۋعا قاتىسى جوعىن دا ايتادى.

«ازاتتىق»