+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

اتامبايەۆتى ۇستاۋ وپەراتسياسىندا جارالانعان ارنايى جاساق وكىلى قازا بولدى

8 تامىز 10:14
:ءبولىسۋ
اتامبايەۆتى ۇستاۋ وپەراتسياسىندا جارالانعان ارنايى جاساق وكىلى قازا بولدى

نۇر-سۇلتان. قازاقپارات - قىرعىزستان دەنساۋلىق ساقتاۋ مينيسترلىگى كوي-تاشتا ەلدىڭ بۇرىنعى پرەزيدەنتى المازبەك اتامبايەۆتى ۇستاۋ وپەراتسياسى كەزىندە جارالانعان ارنايى جاساق وكىلى اۋرۋحانادا كوز جۇمعانىن حابارلادى.

مينيسترلىكتىڭ دەرەگىنشە، وپەراتسيا كەزىندە 41 ادام جارالانعان، ولاردىڭ 15 ءى ارنايى جاساق قىزمەتكەرى.

دارىگەرلەردىڭ سوزىنشە، كوز جۇمعان 22 جاستاعى ارنايى جاساق قىزمەتكەرىنىڭ جۇرەگىنە وق تيگەن. ول اۋرۋحانادا قايتىس بولعان.

7- تامىزدا بىشكەك ۋاقىتىمەن كەشكى ساعات سەگىز شاماسىندا ارنايى جاساق ەكس-رەزيدەنت المازبەك اتامبايەۆتى ۇستاۋ وپەراتسياسىن باستاعان. 8- تامىز تۇنگى ءۇش شاماسىندا ارنايى جاساق كوي-تاشتان شىقتى، المازبەك اتامبايەۆتى ۇستاعان جوق.

27- ماۋسىمدا قىرعىزستان پارلامەنتى المازبەك اتامبايەۆتى ەكس-پرەزيدەنت جانە تيىسپەۋشىلىك مارتەبەسىنەن ايىرعان. كەيىن ءى ءى م اتامبايەۆتى تەرگەۋگە شاقىرا باستادى.

قىرعىزستاننىڭ بۇرىنعى پرەزيدەنتىنە قىزمەتتە ءجۇرىپ جەمقورلىققا جول بەردى، وكىلەتىن اسىرا پايدالاندى جانە زاڭسىز بايىدى دەگەن سياقتى جالپى سانى بەس ايىپ تاعىلعان. پروكۋراتۋرا اتامبايەۆ قىلمىستىق توپتار اراسىندا تانىمال ازيز باتۋكايەۆتىڭ زاڭسىز بوساتىلۋىمەن بايلانىستى ىستە كۋاگەر رەتىندە تانىلعانىن مالىمدەگەن.

اتامبايەۆ بۇل ايىپتاردىڭ ءبارىن جوققا شىعارىپ، ءوزىن تەرگەۋگە شاقىرۋدىڭ ساياسي استارى بار دەپ مالىمدەگەن. ول ازيز باتۋكايەۆتى بوساتۋعا قاتىسى جوعىن دا ايتادى.


«ازاتتىق»


#الةم  
:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات