09:56, 08 - تامىز 2019 | GMT +6
بەنتلي كولىگىمەن شەكارانى زاڭسىز كەسىپ وتكەندەر اقتوبەدە ۇستالدى
اقتوبە. قازاقپارات - شەكارانى زاڭسىز كەسىپ وتكەن رەسەيلىك ءنومىرلى «بەنتلي كونتينەنتال GT» كولىگىنىڭ يەسى قولعا ءتۇستى، دەپ حابارلايدى قازاقپارات ءتىلشىسى.
وقيعا 4- تامىز كۇنى تىركەلگەن. ۇ ق ك 2030 اسكەري ءبولىمى ايتەكە ءبي اۋداندىق كەزەكشى بولىمىنە حابارلاسىپ، دالالىقتا شەكارانى كەسىپ وتكەندەر تۋرالى اقپارات بەرەدى.
«ايتەكە ءبي اۋدانىنىڭ جامبىل بەكەتى ماڭىنداعى دالالىق جولدا رەسەيلىك ءنومىرلى «بەنتلي كونتينەنتال GT» كولىگىنىڭ يەسى شەكارانى زاڭسىز كەسىپ وتكەن. پوليتسيا قىزمەتكەرلەرى كولىكتى» قارابۇتاق- قوستاناي« تاس جولىندا ۇستادى. ولار ايتەكە ءبي اۋدانىنىڭ كومسومول اۋىلىنان 35 شاقىرىم قاشىقتىقتا قولعا ءتۇستى. رەسەيدىڭ ورىنبور وبلىسىنا كولىك يەسىن انىقتاۋ ءۇشىن سۇرانىس جىبەرىلدى. تەرگەۋ ءجۇرىپ جاتىر»، - دەدى وبلىستىق د پ باسپا ءسوز قىزمەتىنىڭ جەتەكشىسى ەربولات سارقۇلوۆ.