+7 (701) 759 90 19
USD 426.14 EUR 497.05
RUB 6.02 CNY 66.69
جاڭالىقتار

بۋرابايدا وننان استام ەلدىڭ جاس عالىمدارى باس قوسۋدا

8 تامىز 09:15
:ءبولىسۋ
بۋرابايدا وننان استام ەلدىڭ جاس عالىمدارى باس قوسۋدا

كوكشەتاۋ. قازاقپارات - بۋرابايدا ق ر تۇڭعىش پرەزيدەنتى - ەلباسى قورىنىڭ ۇيىمداستىرۋىمەن III حالىقارالىق «Burabay Forum: قازاقستاننىڭ حالىقارالىق ىنتىماقتاستىعى» جاس عالىمدار حالىقارالىق فورۋمى ءوتىپ جاتىر، دەپ حابارلايدى قازاقپارات ءتىلشىسى.

فورۋمعا ەلىمىزدەن بولەك، ارمەنيا، بەلارۋس، ۆەنگريا، قىتاي، قىرعىزستان، ليتۆا، رەسەي، تاجىكستان، تۇركيا، وزبەكستان، ۋكراينا جانە فرانسيا ەلدەرىنەن كەلگەن جاس عالىمدار قاتىسىپ، يننوۆاتسيالىق تەحنولوگيالار، عىلىمنىڭ دامۋى، جاس عالىمدارعا جوبالارىن ىسكە اسىرۋعا قالاي كومەكتەسۋگە بولاتىنى جونىندە پىكىر الماسۋدا.

«مۇنداي فورۋمداردىڭ ءجيى وتكىزىلىپ تۇرعانى قاجەت. اسىرەسە، جاس عالىمدار ءۇشىن پايداسى زور. جاس عالىمدار مۇندا پىكىر الماسىپ قانا قويماي، وي ءبولىسىپ، عىلىم سالاسىنداعى تۇيتكىلدى ماسەلەلەردى، تىڭ تاقىرىپتاردى تالقىلاي الادى. سول جاعىنان العاندا فورۋمنىڭ بەرەرى مول»، دەيدى ارمەنيالىق جاس عالىم گيەۆورگ ۆاردانيان.


ق ر تۇڭعىش پرەزيدەنتى - ەلباسى قورى اتقارۋشى ديرەكتورىنىڭ ورىنباسارى يگور روگوۆتىڭ ايتۋىنشا، جوبا 3 جىل قاتارىنان جۇزەگە اسىرىلىپ كەلەدى. وسى ارالىقتا قازاقستان مەن كورشى شەتەلدەردەگى جوعارى وقۋ ورىندارىنىڭ اراسىنداعى ىسكەرلىك قارىم-قاتىناس نىعايا تۇسكەن.

فورۋم «جاڭا فۋنكتسيونالدىق ماتەريالدار جانە تەحنولوگيالار» ، «قازاقستان ەۋرازيانىڭ الەۋمەتتىك-ساياسي جانە تاريحي مادەني كەڭىستىگىندە»، «ماركەتينگ پەن لوگيستيكاداعى Digital-تەحنولوگيالار: «XXI عاسىرداعى اگروونەركاسىپ كەشەنى: عىلىم جانە يننوۆاتسيالار»، «جۇيەلىك مەديتسينا -مەديتسينانىڭ، دەنساۋلىق ساقتاۋدىڭ جانە الەۋمەتتىك قامتاماسىز ەتۋدىڭ مۋلتيپليكاتيۆتىك دامۋى» سەكتسيالارى بويىنشا وتۋدە.

سونداي-اق، پلەنارلىق وتىرىس، دوڭگەلەك ۇستەلدەر، ترەنينگ-اڭگىمەلەسۋ، فورسايتالاڭدار، نەتۆوركينگ-سەسسيالار، «مەنىڭ تابىس تاريحىم» ۋاجدەمەلىك كەزدەسۋلەر، ينتەراكتيۆتىك سەمينارلار، عىلىم جانە ءبىلىمنىڭ ءارتۇرلى باعىتتارىنىڭ بازالىق ترەندتەرىن ناسيحاتتاۋ بويىنشا ترەنينگتەر قاراستىرىلعان.


فورۋمنىڭ جۇمىسىنا ق ر كونستيتۋتسيالىق كەڭەسىنىڭ ءتوراعاسى قايرات ءمامي، ءبىلىم جانە عىلىم ءمينيسترى اسحات ايماعامبەتوۆ، يندۋستريا جانە ينفراقۇرىلىمدىق دامۋ ءمينيسترى رومان سكليار، دەنساۋلىق ساقتاۋ ءمينيسترى ەلجان ءبىرتانوۆ، اۋىل شارۋاشىلىعى ءمينيسترى ساپارحان وماروۆ، ادىلەت ءمينيسترى مارات بەكەتايەۆ، ق ر مەملەكەتتىك قىزمەت ىستەرى جونىندەگى اگەنتتىگىنىڭ ءتورايىمى انار جايىلعانوۆا قاتىسادى دەپ جوسپارلانعان.

تامىزدىڭ 9 ى فورۋم جۇمىسى قورىتىندىلانىپ، قارار قابىلدانادى.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات