+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

اۋا رايى: بۇگىن قازاقستاننىڭ باسىم بولىگىندە كۇن اشىق بولادى

8 تامىز 07:07
:ءبولىسۋ
اۋا رايى: بۇگىن قازاقستاننىڭ باسىم بولىگىندە كۇن اشىق بولادى

نۇر-سۇلتان. قازاقپارات - قازاقستانعا تامىزدىڭ 8 ءى كۇنى وڭتۇستىكتەن قۇرعاق تسيكلون كەلەدى جانە اۋا رايىنا جوعارى اتموسفەرالىك قىسىم اسەر ەتەدى.

سونىڭ سالدارىنان ەلىمىزدىڭ باسىم بولىگىندە كۇن جاۋىن-شاشىنسىز بولادى، دەپ حابارلايدى قازاقپارات «قازگيدرومەت» ر م ك- نىڭ مالىمەتتەرىنە سۇيەنە وتىرىپ.

كاسىپورىن تاراتقان دەرەكتەرگە قاراعاندا، رەسپۋبليكانىڭ سولتۇستىگىندە، سولتۇستىك-باتىسىندا جانە ورتالىعىندا مۋرمانسك اۋدانىنان كەلگەن سولتۇستىك-باتىس تسيكلونىنىڭ اسەرىنەن كەي جەرلەردە عانا جاڭبىر جاۋىپ، نايزاعاي بولادى.

ءبىرقاتار اۋماقتاردا جەل كۇشەيىپ، داۋىل سوعىپ، شاڭدى داۋىل كوتەرىلىپ، سولتۇستىك ءوڭىردىڭ كەي جەرلەرىندە بۇرشاق جاۋۋى مۇمكىن. تۇندە جانە تاڭەرتەڭ كەي جەرلەرگە تۇمان تۇسەدى.

سولتۇستىك قازاقستان وبلىسىنىڭ ءبىرقاتار اۋماقتارىندا تۇندە جانە تاڭەرتەڭ تۇمان ءتۇسىپ، تاعى ءبىرقاتار وڭىرلەرىندە كۇندىز داۋىل تۇرادى، جەلدىڭ جىلدامدىعى سەكۋندىنا 15-20 مەترگە جەتەدى. بۇرشاق جاۋۋى دا مۇمكىن.

جامبىل، پاۆلودار، قاراعاندى، قوستاناي، كۇندىز شىعىس قازاقستان وبلىستارىنىڭ كەي جەرلەرىندە جەل سەكۋندىنا 15-20 مەتر جىلدامدىقپەن ەسەدى.

جامبىل وبلىسىنىڭ كەي جەرلەرىندە شاڭدى داۋىل كوتەرىلەدى.

تۇركىستان وبلىسىنىڭ ءبىرقاتار اۋماقتارىندا شاڭدى داۋىل تۇرىپ، جەلدىڭ جىلدامدىعى سەكۋندىنا 15-20 مەترگە جەتەدى. ەكپىنى 23 م/س بولادى.

قىزىلوردا وبلىسىنىڭ كەي جەرلەرىندە شاڭدى داۋىل تۇرىپ، جەل 15-20 م/س جىلدامدىقپەن سوعادى، كۇندىز ەكپىنى 25 م/س بولادى.

كۇندىز الماتى، جامبىل وبلىستارىندا، شىعىس قازاقستان وبلىسىنىڭ كەي جەرلەرىندە اپتاپ ىستىق كۇتىلەدى. كۇندىز الماتى وبلىسىنىڭ كەي جەرلەرىندە وتە قاتتى ىستىق بولادى.

قىزىلوردا، تۇركىستان، جامبىل، الماتى، قاراعاندى وبلىستارىندا، اقتوبە، شىعىس قازاقستان، اقمولا وبلىستارىنىڭ كەي جەرلەرىندە ءورت قاۋىپى ساقتالادى.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات