+7 (701) 759 90 19
USD 426.14 EUR 497.05
RUB 6.02 CNY 66.69
جاڭالىقتار

الماتىدا تاپانشامەن اسپانعا بىرنەشە رەت وق اتقان ەر ادام ۇستالدى

7 تامىز 20:11
:ءبولىسۋ
الماتىدا تاپانشامەن اسپانعا بىرنەشە رەت وق اتقان ەر ادام ۇستالدى

الماتى. قازاقپارات- الماتىداعى 28-گۆارديالىق-پانفيلوۆشىلار اتىنداعى ساياباقتا بەلگىسىز ەر ادام تاپانشامەن اسپانعا وق اتتى.

بۇل تۋرالى الماتى پ د باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.

«مەدەۋ اۋدانىنىڭ پوليتسيا باسقارماسىنىڭ تەرگەۋ ءبولىمى بۇزاقىلىق جانە قارۋدى زاڭسىز الۋ، ساقتاۋ جانە الىپ ءجۇرۋ فاكتىلەرى بويىنشا قىلمىستىق ءىس قوزعادى. بۇگىن تاڭەرتەڭ 28 گۆارديالىق-پانفيلوۆشىلار اتىنداعى ساياباقتا ەر ادام تاپانشادان اۋاعا بىرنەشە رەت وق اتقان. ول ءوزىنىڭ وسىنداي ءىس-ارەكەتى ارقىلى قوعامدىق ءتارتىپتى بۇزدى. سونداي-اق، اينالاسىنداعىلارعا قاۋىپ تۋدىردى. كۇدىكتى ب ۇستالدى. ول 1994 -جىلى تۋعان. تاركىلەنگەن قارۋعا سوت-بالليستيكالىق ساراپتاما تاعايىندالدى. ونىڭ كىمگە تيەسىلى جانە كىمنىڭ اتىنا تىركەلگەنى انىقتالادى. سونداي-اق باسقا قىلمىسقا قاتىسى بار-جوعى تەكسەرىلەتىن بولادى. ق ر ق ك 287-باپ، 3-بولىگىنە سايكەس سوتقا دەيىنگى تەرگەۋ جۇرگىزىلەدى»، - دەيدى الماتى قالالىق پ د مەدەۋ اۋداندىق پوليتسيا باسقارماسىنىڭ باستىعى بولات توتىبايەۆ.

الماتى اۋدانارالىق مامانداندىرىلعان تەرگەۋ سوتى كۇدىكتىگە قاتىستى 2 اي مەرزىمگە قاماۋعا الۋ تۇرىندەگى بۇلتارتپاۋ شاراسىن سانكسيالادى. سوتقا دەيىنگى تەرگەۋ ورگانى كۇدىكتىنىڭ الماتى قالاسىنىڭ اۋماعىندا باسقا دا قىلمىستىق قۇقىق بۇزۋشىلىقتارعا قاتىسى بار-جوعىن تەكسەرەدى.

اۆتور: الما مۇقانوۆا


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات