09:14, 07 - تامىز 2019 | GMT +6
پرەزيدەنت: قازاقستاننىڭ ينتەرنەت قولدانۋشىلارىنا قولايسىزدىق بولمايدى
نۇر-سۇلتان. قازاقپارات – ق ر پرەزيدەنتى قاۋىپسىزدىك سەرتيفيكاتىن تەستىلەۋدەن وتكىزگەنى ءۇشىن ق ر ۇلتتىق قاۋىپسىزدىك كوميتەتىنە العىس ايتتى، دەپ حابارلايدى قازاقپارات.
«ۇ ق ك مەنىڭ تاپسىرمام بويىنشا كيبەرقالقان باعدارلاماسى اياسىندا قاۋىپسىزدىك سەرتيفيكاتىن تەستىلەۋدەن وتكىزدى. ق ر اقپارات كەڭىستىگى قورعالىپ تۇرعانى جانە سىرتتان شابۋىل جاسالعان جاعدايدا سەرتيفيكاتتى قولدانا الاتىنىمىز دالەلدەندى. ينتەرنەت قولدانۋشىلارىنا ىڭعايسىزدىق جويىلدى. ۇ ق ك- گە العىس ايتامىن» دەپ جازدى مەملەكەت باسشىسى قاسىم-جومارت توقايەۆ Twitter- دەگى پاراقشاسىندا.
ايتا كەتەيىك، بۇعان دەيىن ۇ ق ك قاۋىپسىزدىك سەرتيفيكاتىن تەستىلەۋدەن وتكىزۋدى توقتاتاتىنىن حابارلاعان بولاتىنبىز.