گولوۆكين الۆارەسپەن جەكپە-جەك ۇيىمداستىرا الماعان كومپانيانى سوتقا بەرمەك

نۇر-سۇلتان. قازاقپارات - قازاقستاندىق بوكسشى گەننادي گولوۆكين كانەلومەن ءۇشىنشى جەكپە-جەكتى ۇيىمداستىرا الماعان DAZN كومپانياسىنان كوڭىلى قالدى، دەپ حابارلايدى Prosports.kz.

ەستەرىڭىزگە سالا كەتەيىك، بوكسشىلار وسى جىلدىڭ قىركۇيەك ايىندا تريلوگيا وتكىزۋلەرى كەرەك ەدى، الايدا ەكى تاراپ ءوزارا كەلىسىمگە كەلە الماعان بولاتىن. قازاقستاندىق بوكسشىنىڭ كومانداسى كومپانيانىڭ ۋادەسىن ورىنداي الماعانىنا، اتاپ ايتقاندا ساۋل الۆارەسپەن ءۇشىنشى جەكپە-جەكتى ۇيىمداستىرا الماعانىنا ريزا ەمەس.

الەۋمەتتىك جەلىلەردەگى مالىمەتتەرگە سايكەس، گولوۆكيننىڭ ۇجىمى DAZN- گە قارسى ارەكەت ەتۋگە دايىندالىپ جاتقان كورىنەدى. GGG كانەلومەن ءۇشىنشى جەكپە-جەكتى وتكىزىپ بەرۋگە ۋادە بەرگەنى ءۇشىن DAZN ستريمينگتىك سەرۆيسىمەن كەلىسىمشارتقا وتىرعانىن ايتا كەتەيىك.