اسقار مامين پرەزيدەنتكە ارىستاعى قالپىنا كەلتىرۋ جۇمىستارى جايلى باياندادى
مەملەكەت باسشىسىنا ارىس قالاسىنداعى قايتا قالپىنا كەلتىرۋ جۇمىستارىنىڭ بارىسى جانە تۇركىستانداعى جاڭا ينفراقۇرىلىم نىساندارىنىڭ قۇرىلىسى جونىندە باياندالدى.
بۇدان بولەك، پرەزيدەنتكە تارتىلاتىن شەتەل ينۆەستيتسيالارىنىڭ اعىمداعى كورسەتكىشتەرى، ەۋرازيالىق ەكونوميكالىق وداق اياسىندا ىقپالداستىقتى دامىتۋ، 2020 -جىلى كوكشەتاۋ قالاسىندا وتەتىن قازاقستان مەن رەسەي ءوڭىرارالىق ىنتىماقتاستىعى فورۋمىنا دايىندىق تۋرالى مالىمەت بەرىلدى.
پرەزيدەنت ۇكىمەتتىڭ كەڭەيتىلگەن وتىرىسىندا بەرىلگەن تاپسىرمالاردىڭ ءتيىمدى جۇزەگە اسىرىلۋىن، سونداي- اق ارىس قالاسىنداعى بارلىق قالپىنا كەلتىرۋ جۇمىستارىنىڭ ۋاقىتىلى جانە ساپالى ورىندالۋىن قامتاماسىز ەتۋدى تاپسىردى.
سوڭىندا قاسىم- جومارت توقايەۆ اسقار مامينگە ەلىمىزدىڭ الەۋمەتتىك- ەكونوميكالىق جاعدايىن ارتتىرۋ جونىندە ءبىرقاتار ناقتى تاپسىرما بەردى.
