الەمدە التىن قىمباتتاپ، كۇمىس ارزاندادى

نۇر-سۇلتان. قازاقپارات - التىننىڭ قۇنى اسپانداپ بارادى. COMEX- تە قىمبات مەتالل فيۋچەرستەرىنىڭ باعاسى ءبىر ترويا ۋنسياسىنا 1442-1461 دوللار شاماسىندا ساۋدالاندى. قازىر التىندى 1466 دوللارعا الۋعا بولادى.

ءوسىم % 1,7. ۇلتتىق بانكتىڭ سايتىندا مەتالدىڭ ءبىر گرامى 17,4 مىڭ تەڭگەگە ساتىلۋدا. ال كۇمىس كەرىسىنشە ارزانداۋدا. وتكەن اپتادا باعا % 0,6- عا، ياعني 16,2 دوللارعا دەيىن، ال مىس % 5,8- عا، فۋنت ءۇشىن 2,56 دوللارعا دەيىن تومەندەدى.

ايتا كەتەرلىگى، ساراپشىلار التىن نارىعىن قولدايدى. ءارى كۇزدە قىمبات مەتالل باعاسى 1500 دوللارعا دەيىن ءوسۋى مۇمكىن دەگەن بولجام جاسادى.

www.24.kz