+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

ەلوردانى گازداندىرۋ جۇمىسى جارتى جىلعا كەشىگىپ جاتىر - ەربول تولەۋوۆ

6 تامىز 19:27
:ءبولىسۋ
ەلوردانى گازداندىرۋ جۇمىسى جارتى جىلعا كەشىگىپ جاتىر - ەربول تولەۋوۆ

نۇر- سۇلتان. قازاقپارات - ەلوردانى گازبەن قامتۋ ءۇشىن 9 ىسكە قوسۋ كەشەنىن ورناتۋ قاجەت. بۇل جوبانى جۇزەگە اسىرۋ ءۇشىن 11 مەردىگەر جىل باسىنان بەرى سوتتاسىپ جاتىر، دەپ حابارلايدى قازاقپارات ءتىلشىسى.

قالالىق اكىمدىكتە وتكەن بريفينگتە نۇر- سۇلتان قالاسىنىڭ وتىن- ەنەرگەتيكالىق كەشەن جانە كوممۋنالدىق شارۋاشىلىق باسقارماسىنىڭ باسشىسى ەربول تولەۋوۆ وسىنداي مالىمەت ايتتى.

«ەلوردانى گازداندىرۋ جۇمىسى ءۇش كەزەڭگە بولىنگەن. قازىر ءبىرىنشى كەزەڭگە بەلگىلەنگەن جۇمىستار ءجۇرىپ جاتىر. وعان قالانىڭ ىشىندە 9 ىسكە قوسۋ كەشەنىن سالۋ جوباسى دا كىرەدى. ال «قاز مۇناي گاز» كومپانياسى قىزىلوردادان ۇزىندىعى 1200 شاقىرىم بولاتىن قۇبىر تارتىپ جاتىر. ولار قۇبىردى ەلورداعا دەيىن جەتكىزىپ بەرەدى. ىشكى جەلىلەردى ءبىز سالۋىمىز قاجەت. وسى جەلى تارتۋ ءىسى بويىنشا ءبىر پروبلەما بار. قاڭتار ايىنان بەرى مەردىگەر ۇيىمدى انىقتاۋ مۇمكىن بولماي وتىر. بارلىق قۇجاتتارىن مەملەكەتتىك ساراپتامادان وتكىزىپ، مەملەكەتتىك ساتىپ الۋ بويىنشا كونكۋرس جاريالاعانبىز. بۇل جوبانى ىسكە اسىرۋعا 11 كومپانيا نيەتتى. قازىر سولار ءوزارا سوتتاسىپ جاتىر. كونكۋرستىڭ ناتيجەسىمەن كەلىسپەي، قايتا- قايتا سوتتاسۋدا. وسىنىڭ كەسىرىنەن جوبا كەشەۋىلدەپ جاتىر. كەستەدەن جارتى جىلعا كەشىگىپ كەلەمىز دەۋگە بولادى»، - دەگەن باسقارما باسشىسى جىل اياعىنا دەيىن كوكتال اۋدانىندا كوگىلدىر وتىن بەرىلەدى دەگەن مالىمەت ايتتى.

«جالپى گازداندىرۋ جۇمىسى 2019-2021 -جىلدارعا مەجەلەنگەن. دەگەنمەن، جىل اياعىنا دەيىن كوكتال اۋدانىندا كوگىلدىر وتىن بەرىلەدى دەگەن جوسپار بار»، - دەدى ول.

اۆتور: ەسىمجان ناقتىباي


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات