USD 436.29 EUR 492.83
RUB 5.92 CNY 68.48
جاڭالىقتار

كومىر باعاسىن قولدان وسىرۋشىلەرمەن كىم كۇرەسەدى

6 تامىز 18:51
:ءبولىسۋ
كومىر باعاسىن قولدان وسىرۋشىلەرمەن كىم كۇرەسەدى

نۇر-سۇلتان. قازاقپارات - كومىر باعاسىن قولدان وسىرۋشىلەرگە بيىل قانداي توسقاۋىل قويىلادى؟

نۇر-سۇلتان قالاسىنىڭ اكىمدىگىندە وتكەن بريفينگتە ب ا ق وكىلدەرى تاراپىنان وسىنداي ساۋال قويىلدى، دەپ حابارلايدى قازاقپارات ءتىلشىسى.

بىلتىرعى ماۋسىمدا ەلوردانى جىلىتۋعا 420 مىڭ توننا كومىر كەتكەن. نۇر-سۇلتان قالاسىنىڭ وتىن- ەنەرگەتيكالىق كەشەنى جانە كوممۋنالدىق شارۋاشىلىق باسقارماسىنىڭ باسشىسى ەربول تولەۋوۆ ونىڭ 20 پايىزىن قالاعا جاقىن جاتقان قاراعاندى جانە اقمولا وبلىسىنىڭ ەلدى مەكەندەرى تۇتىنعانىن ءمالىم ەتتى.

«ءبىز جىل سايىن كومىردى ەرتەرەك ساتىپ الۋ كەرەكتىگىن ايتامىز. ءبىراق جىلىتۋ ماۋسىمىنا دايىندىق مەكتەپكە دايىندىقپەن قاباتتاسىپ كەلەدى. سوندىقتان، تۇرعىنداردىڭ كوبى بالالارىن وقۋ جىلىنا دايىنداۋمەن اۋرە بولىپ جاتادى. بۇل جىلدا قايتالاناتىن قۇبىلىس. كومىر ساتىپ الۋ قىركۇيەك ايىنان كەيىن عانا قىزادى. مۇنى جەتكىزۋشىلەر دە ءبىلىپ العان. ول كەزدە كەن ورىندارىنان كومىر كوپتەپ اكەلىنەدى»، - دەيدى اكىمدىك وكىلى.

ەربول تولەۋوۆ كومىر باعاسى الىپ-ساتارلىقتىڭ كەسىرىنەن قۇبىلاتىنىن مويىندادى.

«وكىنىشكە وراي، ونداي ماسەلە بار. ونىڭ تۋىنداعانىنا ءبىراز ۋاقىت بولدى. الىپ-ساتارلارمەن كۇرەس قالالىق ىشكى ىستەر دەپارتامەنتىنە جۇكتەلگەن. ويتكەنى، ءبىز الىپ-ساتۋمەن اينالىساتىنداردى باقىلاي المايمىز. ءبىز ءىرى ساتۋشىلاردى عانا باقىلاپ وتىرمىز. ءوز كولىگىمەن ساتىپ الىپ، قالانىڭ شەتىنە بارىپ كومىردىڭ ءبىر تونناسىن 18 مىڭنان ساتىپ جۇرگەندەر بار. بۇل ءىس ىشكى ىستەر دەپارتامەنتىنە جۇكتەلگەن. سونداي-اق، قالانىڭ اۋداندىق اكىمدىكتەرى رەتتەۋگە مىندەتتى»، - دەدى ول.

باسقارما باسشىسىنىڭ ايتۋىنشا، الەۋمەتتىڭ ءالسىز توپتارىنا جىلىتۋ ماۋسىمىنا كومەك رەتىندە 20200 تەڭگە كولەمىندە ءبىر رەتتىك وتەماقى بەرىلمەك.

«وتەماقى سوماسى - 20200 تەڭگە. بۇل سوما جىلىتۋ ماۋسىمىندا ءبىر رەت تولەنەدى. اتالمىش كومەككە ءوتىنىم بەرۋ ءۇشىن نۇر-سۇلتان قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسىنا جۇگىنۋ قاجەت. ونداي كومەكتىڭ كىمگە بەرىلەتىنىن، كىمگە قاراستىرىلماعانىن دا سول جەردەن ءبىلۋ قاجەت»، - دەدى ول.

اۆتور: ەسىمجان ناقتىباي


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات