USD 436.29 EUR 492.83
RUB 5.92 CNY 68.48
جاڭالىقتار

تۇركىستاندىق جۋرناليستەر سولتۇستىك قازاقستانعا قونىس اۋدارعانداردىڭ تۇرمىسىمەن تانىستى

6 تامىز 16:27
:ءبولىسۋ
تۇركىستاندىق جۋرناليستەر سولتۇستىك قازاقستانعا قونىس اۋدارعانداردىڭ تۇرمىسىمەن تانىستى

م. جۇمابايەۆ اۋدانى. قازاقپارات - تۇركىستاندىق ب ا ق وكىلدەرى باسپا ءسوز كونفەرەنسياسىنان سوڭ بىردەن سولتۇستىك قازاقستان وبلىسىنىڭ ماعجان جۇمابايەۆ اۋدانىنداعى وكتيابرسكوە اۋىلىنا ات باسىن تىرەدى، دەپ حابارلايدى قازاقپارات تۇركىستان وبلىسى وڭىرلىك كوممۋنيكاتسيا قىزمەتىنە سىلتەمە جاساپ.

بۇل اۋىلدا ورتا مەكتەپتە «العاشقى اسكەري دايىندىق» پانىنەن ساباق بەرەتىن ماقسات ەسجانوۆ اتتى ازامات تۇرادى. ول مۇعالىمدىكپەن قاتار، شاعىن شارۋا قوجالىعىن ۇستايدى. قازىرگى تاڭدا 10 سيىر باعاتىن ماقسات «يگىلىك» ا ك ك- گە ءسۇت وتكىزىپ وتىر.

م. جۇمابايەۆ اۋدانىنىڭ سۇلۋ تابيعاتى اۋىل شارۋاشىلىعىنا وتە قولايلى بولعاندىقتان، بۇل وڭىرگە وڭتۇستىكتەن كوشىپ كەلەتىن كوپشىلىك مال ۇستاپ، ەگىنمەن اينالىسقاندى ءجون كورەدى.

تۇركىستان وبلىستىق قوعامدىق دامۋ باسقارماسىنىڭ ۇيىمداستىرۋىمەن ءوتىپ جاتقان اقپاراتتىق تۋر اياسىندا «سۋلىشوقى» اۋىلىنا كەلگەن جۋرناليستەر قاۋىمى «جانىبەك» شارۋا قوجالىعىنىڭ جۇمىسىمەن تانىستى. وڭتۇستىكتەگى حالقى تىعىز قونىستانعان وڭىردەن سولتۇستىككە كوپتەپ تارتۋ ماقساتىندا «جانىبەك» شارۋا قوجالىعىنىڭ باسشىسى قايرات جانىبەكوۆ 4 باسپانا سالۋدا. كەلەسى جىلى تاعى دا 5 ءۇي سالۋ جوسپاردا بار. قازىر بۇل اۋىلدا اۋىل شارۋاشىلىعىمەن اينالىساتىن 4 جانۇيا جاڭادان سالىنىپ جاتقان ۇيلەرگە كوشىپ بارۋعا دايىن.

پەتروپاۆل قالاسىندا جاڭادان اشىلعان «قىتاي ەمدەۋ ورتالىعىنىڭ» يەسى ءمولدىر ىزتىلەۋوۆانىڭ جولداسى - دارىگەر. بۇل وتباسى س ق و-عا 2016 -جىلى ورداباسى اۋدانى، شۇبارسۋ ەلدىمەكەنىنەن كوشىپ كەلگەن. ەرلى-زايىپتىلار قىزىلجار قالاسىنان قىتاي ەمدەۋ ورتالىعىن اشتى.

قازىرگى كەزدە سولتۇستىك قازاقستان وبلىسىندا 1 مىڭنان استام بوس جۇمىس ورنى بار. قونىس اۋدارۋعا نيەت بىلدىرگەن ازاماتتارمەن كونسۋلتاتسيا جۇرگىزۋ كەزىندە ءبىرىنشى كەزەكتە، ماماندىعى بويىنشا بوس ورىندار نەمەسە بالاما ءتۇرى ۇسىنىلادى. سونىمەن قاتار قونىس اۋدارۋشىلار وزدەرى جۇمىسقا ورنالاسا الادى.

ەسكە سالا كەتسەك، تۇركىستان وبلىسىنىڭ ءبىر توپ جۋرناليسى مەن بەلسەندىلەرى «تۇركىستان - قىزىلجار - قوستاناي - كوكشەتاۋ» اقپاراتتىق تۋرى اياسىندا سولتۇستىك وڭىردە ساپارمەن ءجۇر.


:ءبولىسۋ

اأتور:

novasa

سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات