ەندى شەنەۋنىكتەر جالاقىنى جاڭا ەرەجە بويىنشا الادى

None
None
نۇر-سۇلتان. قازاقپارات - تۇرىكمەنستاندا مەملەكەتتىك قىزمەتكەرلەر ەندى جالاقىسىن كوممۋنالدىق قىزمەتتەرگە تولەگەن سوڭ عانا الا الادى، - دەپ جازادى CA- News.

باسىلىمنىڭ مالىمەتىنشە، جەرگىلىكتى شەنەۋنىكتەر جالاقى الۋدىڭ الدىندا كوممۋنالدىق قىزمەتتەرى بويىنشا قارىزى جوق ەكەنىن راستايتىن انىقتاما اكەلۋى ءتيىس.

«بيۋجەت قىزمەتكەرلەرى كوممۋنالدىق قىزمەتتەردى تولەگەنى جايلى انىقتاما اكەلمەيىنشە، شىلدە مەن تامىز ايلارىنىڭ جالاقىسى بەرىلمەيدى»، - دەلىنگەن.

ءبىراق، مەملەكەتتىك قىزمەتكەرلەردىڭ ايتۋىنشا، قاجەتتى انىقتامالاردى جيناۋ ءۇشىن ءبىراز ۋاقىت كەرەك بولادى. تالاپ ەتىلگەن انىقتامالاردى الۋ ءۇشىن كەم دەگەندە ءبىر اي قاجەت جانە مىڭداعان ادامعا جەتەتىن كەزەككە تۇرۋ كەرەك دەيدى.

جەرگىلىكتى ۇيىمداردىڭ باسشىلىعى بۇل پروكۋراتۋرانىڭ تالابى دەپ ءتۇسىندىرىپ وتىر.

سوڭعى جاڭالىقتار