كاسپيدەگى قايعىلى وقيعا: ءتورت ادام سۋعا باتىپ كەتتى

نۇر-سۇلتان. قازاقپارات – 5- تامىزدا كەشكە قاراي كاسپيدە ەكى قايعىلى وقيعا بولدى. قۇرىق اۋىلىندا ءۇش جاس ءوسپىرىم جانە كەندىرلى اۋدانىندا 28 جاستاعى ەر ادام سۋعا باتىپ كەتتى، دەپ حابارلايدى قازاقپارات Lada.kz سايتىنا سىلتەمە جاساپ.

قۇتقارۋشىلاردىڭ ايتۋىنشا، 5- تامىزدا ساعات 18:15 تە قۇرىق اۋىلىندا 2002-جىلى تۋعان ەكى قىز بەن 2003-جىلى تۋعان جاس جىگىت سۋعا باتىپ كەتتى. قازىر ولاردىڭ دەنەلەرىن ىزدەستىرۋگە 10 قۇتقارۋشى مەن ەكى قايىق جۇمىلدىرىلعان.

سونىمەن قاتار، كەندىرلىدەگى «سامال» دەمالىس ورتالىعىندا تاعى ءبىر قايعىلى وقيعا بولدى. وندا 1991-جىلى تۋعان ەر ازاماتتىڭ دەنەسىن تۋىستارى سۋدان شىعارىپ الدى.

ەستەرىڭىزگە سالا كەتەيىك، تاياۋدا اقتاۋدا ەر ادام «شورا» سۋ اعىتقىشىنا باتىپ كەتكەن بولاتىن. سونىمەن قاتار، ءتورت ادامنان تۇراتىن وتباسىن تەڭىز جاعالاۋىندا سۋعا باتىپ بارا جاتقان جەرىنەن قۇتقارۋشىلار امان الىپ قالدى.