حارري ماگۋايرا فۋتبول تاريحىنداعى ەڭ قىمبات قورعاۋشى اتاندى

نۇر- سۇلتان. قازاقپارات - «مانچەستەر يۋنايتەد» «لەستەر» كلۋبىنىڭ جانە انگليا قۇراماسىنىڭ قورعاۋشىلارىن ساتىپ الاتىنىن ءمالىم ەتتى. 26 جاستاعى اعىلشىندىق فۋتبولشى حارري ماگۋايرا 87 ميلليون ەۋروعا باعالانىپ، سپورت تاريحىنداعى ەڭ قىمبات قورعاۋشى اتاندى، دەپ حابارلايدى eurosport.

حارريمەن كەلىسىمشارت 6 جىلعا جاسالدى. 26 جاستاعى قورعاۋشى ءبىر ماۋسىمدا شامامەن 9 ميلليون ەۋرو الادى دەپ كۇتىلۋدە.

بۇعان دەيىن الەمدەگى ەڭ قىمبات قورعاۋشى ۆيردجيل ۆان دەيك بولعان ەدى. 2018 -جىلى ول «ساۋتگەمپتوننان» (ليۆەرپۋلعا» 75 ميلليون فۋنتقا اۋىستى.