ەلگە تاۋار كىرگىزۋشىلەر كەدەندىك تولەمدەردەن قالاي جالتارادى

نۇر-سۇلتان. قازاقپارات - مەملەكەتتىك كىرىستەر ورگانى جۇمىسىنىڭ باسىمدىلىعى كولەڭكەلى ەكونوميكاعا قارسى ءىس-ارەكەت، ونىڭ ىشىندە اسىرەسە قىتايدان يمپورتتالاتىنىن مالىمدەلگەن تاۋارلاردىڭ شىنايىلىعىن قامتاماسىز ەتۋ بولىپ تابىلادى.

اعىمداعى جىلدىڭ باسىنان باستاپ «استانا-1» اقپاراتتىق جۇيەسىندە باعاعا قاتىستى اقپاراتتى اۆتوماتتى تۇردە ىزدەۋ ءمودۋلى ىسكە قوسىلدى. مۇندا باعالىق اقپارات باعدارلامامەن ەۋرازيالىق ەكونوميكالىق وداقتىڭ بارلىق اۋماعى بويىنشا رەسىمدەلگەن بىرتەكتى جانە بىردەي تاۋارلاردىڭ قورىن مونيتورينگىلەۋ جولىمەن ۇسىنىلادى.

«دەگەنمەن، كەدەندىك تازارتۋدىڭ بارلىق پروتسەستەرى اۆتوماتتاندىرىلعانىنا قاراماستان، دايەكسىز دەكلاراتسيالاۋ جولىمەن كەدەندىك تولەمدەر مەن سالىقتاردىڭ تيەسىلى سوماسىن تولەۋدەن جالتارۋ فاكتىلەرى كەزدەسەدى»، - دەپ حابارلادى ق ر قارجى مينيسترلىگى مەملەكەتتىك كىرىستەر كوميتەتى كەدەندىك ءادىسناما دەپارتامەنتى كەدەندىك قۇن جانە تاريفتىك رەتتەۋ باسقارماسىنىڭ باسشىسى سەرىك سۋمەنوۆ.

ونىڭ ايتۋىنشا، جىل باسىنان بەرى كەدەندىك قۇندى باقىلاۋدى كۇشەيتۋدىڭ ەسەبىنەن قوسىمشا 10,1 ميلليارد تەڭگە كەدەندىك تولەمدەر مەن سالىقتار ءوندىرىلدى. ولاردىڭ 4,9 ميلليارد تەڭگەسى ق ح ر-دان اكەلىنگەن تاۋارلار بويىنشا وندىرىلگەن.

«تاۋار اينالىمىن تالداۋ جانە دەكلاراتسيالاۋدىڭ دەرەكتەر قورىنىڭ مونيتورينگى ادال ەمەس سىرتقى ەكونوميكالىق قىزمەتكە قاتىسۋشىلاردىڭ تاۋارلاردىڭ سالماعى مەن سانىن ايلا-امال جولىمەن كەدەندىك تولەمدەر مەن سالىقتاردى تولەۋدەن جالتارۋ بويىنشا شارالار قولداناتىنىن كورسەتتى» - دەدى سۋمەنوۆ.

ءمالىم ەتىلگەندەي، كەدەندىك اكەلۋ باجدارىنىڭ كەيبىر ستاۆكالارى تاۋاردىڭ سالماعىنا نە سانىنا بايلانىستى بولىپ كەلەدى.

سونىمەن، مونيتورينگ جۇرگىزۋدىڭ ناتيجەسىندە مىناداي فاكتىلەر انىقتالدى: ايەلدەر تۋفليى دەكلاراتسيادا 1 جۇبى ءۇشىن 3 كەلى بولىپ كورسەتىلگەن. سونداي-اق ەرلەر گالستۋگىنىڭ 1 داناسى 65,6 كەلى، كۋبيك- رۋبيك ويىنشىعىنىڭ 1 داناسى 15,1 كەلى سالماق تارتاتىنى جازىلىپ كورسەتىلگەن.

«قازىرگى ۋاقىتتا، اتالعان سىرتقى ەكونوميكالىق قىزمەتكە قاتىسۋشىلارعا قاتىستى كەدەندىك تولەمدەر مەن سالىقتاردىڭ تيەسىلى سوماسىن قوسىمشا ەسەپتەۋ ماقساتىندا بارلىق قاجەتتى باقىلاۋ ءىس- شارالارى جۇرگىزىلۋدە. سونداي-اق، بولاشاقتا اتالعان س ە ق ق- مەن تاۋارلاردى كەدەندىك رەسىمدەۋ كەزىندە «استانا-1» ا ج- داعى جاسىل ءدالىزدى قولدانۋعا جول بەرىلمەيدى. جوعارىدا ايتىلعانداردان بولەك، اتالعان س ە ق ق-لارعا قاتىستى كەدەندىك جانە سالىقتىق باقىلاۋدىڭ بارلىق قاجەتتى شارالارى قولدانىلاتىن بولادى.

شىنايى دەكلاراتسيالاۋدى جانە تاۋارلاردىڭ كەدەندىك قۇنىن باقىلاۋدى قامتاماسىز ەتۋ مەملەكەتتىك كىرىستەر كوميتەتى قىزمەتىنىڭ باستى باسىمدىعىنىڭ ءبىرى بولىپ تابىلاتىنىن اتاپ ءوتۋ قاجەت. جانە بۇل باعىتتاعى جۇمىس جالعاسا بەرەدى»، - دەپ قوستى س. سۋمەنوۆ.