ۆولونتەر ستۋدەنتتەردى قولداۋعا ارنالعان جۇمىستار باستالدى

نۇر-سۇلتان. قازاقپارات – ق ر ءبىلىم جانە عىلىم مينيسترلىگى مەن ق ر اقپارات جانە قوعامدىق دامۋ مينيسترلىگى اراسىندا «الەۋمەتتىك ستۋدەنتتىك كرەديت» جوباسىن ىسكە اسىرۋ اياسىندا ىنتىماقتاستىق تۋرالى مەموراندۋمعا قول قويىلدى، دەپ حابارلايدى قازاقپارات ءتىلشىسى.

رەسمي شاراعا ءبىلىم جانە عىلىم ۆيتسە-ءمينيسترى فاتيما جاقىپوۆا، ق ر اقپارات جانە قوعامدىق دامۋ ۆيتسە-ءمينيسترى دانيار ەسين، «ۇلتتىق ۆولونتەرلىك جەلى» قاۋىمداستىق نىسانىنداعى ز ت ب اتقارۋشى ديرەكتورى تاتيانا ميرونيۋك، «قارجى ورتالىعى» ا ق پرەزيدەنتى اسقار يبرايموۆ، «ازاماتتىق باستامالاردى قولداۋ ورتالىعى» كومەرتسيالىق ەمەس اق باسقارما ءتوراعاسى مىندەتىن اتقارۋشى گۇلبانۋ زامانبەكوۆا قاتىستى.

ايتا كەتەيىك، ق ر تۇڭعىش پرەزيدەنتى - ەلباسى ن. نازاربايەۆ 2019-جىلدى «جاستار جىلى» دەپ جاريالادى. وسىعان وراي ستۋدەنتتەردى الەۋمەتتىك جانە قوعامدىق پايدالى قىزمەتكە كەڭىنەن تارتۋعا باعىتتالعان «الەۋمەتتىك ستۋدەنتتىك كرەديت» جوباسى باستالادى.

جوبا اياسىندا جوعارى وقۋ ورىندارىنىڭ ستۋدەنتتەرى اقشالاي سىياقى الىپ، قوعامدىق پايدالى جۇمىس ناتيجەلەرى ءۇشىن اكادەميالىق كرەديتتەردى قايتا ەسەپكە الا الادى.

ستۋدەنتتەر ۆولونتەرلەر رەتىندە بالالار ۇيلەرىندە، قارتتار ۇيلەرىندە، ءبىلىم بەرۋ جانە باسقا دا الەۋمەتتىك مەكەمەلەردە كومەك كورسەتەدى. «الەۋمەتتىك ستۋدەنتتىك كرەديت» جوباسىن ىسكە قوسۋ 2019-جىلدىڭ قىركۇيەك ايىنا جوسپارلانعان، ال ونىڭ تاقىرىپتىق مودۋلى «QQazvolunteer.kz» ۆولونتەرلەردىڭ ءبىرىڭعاي ينتەرنەت تۇعىرناماسىندا ورنالاسادى.

ۆيتسە-مينيستر د. ەسين ۆولونتەرلەردىڭ ءبىرىڭعاي ينتەرنەت پلاتفورماسى «QQazvolunteer.kz» ق ر اقپارات جانە قوعامدىق دامۋ مينيسترلىگى «ۇلتتىق ۆولونتەرلىك جەلى» ز ت ب- مەن بىرلەسىپ ازىرلەگەنىن ەسكە سالدى. ونلاين-تۇعىرناما qazvolunteer.kz ۆولونتەرلىك قىزمەتكە قاتىسۋشىلاردىڭ ءوزارا ءىس-قيمىل تەتىكتەرىن قۇرۋعا، قازاقستاننىڭ ۆولونتەرلەرى مەن ۆولونتەرلىك ۇيىمدارىنىڭ قىزمەتىن ۇيلەستىرۋگە، ۆولونتەرلىك جوبالاردى/باعدارلامالاردى/اكسيالاردى اقپاراتتىق قولداۋدى جۇزەگە اسىرۋعا مۇمكىندىك بەرەدى. تۇعىرنامادا كەز كەلگەن ادام ونلاين-تىركەۋدەن ءوتىپ، ۆولونتەرلىك قىزمەتكە قوسىلا الادى. «بۇگىندە تۇعىرنامادا 1,4 مىڭنان استام تىركەلدى، سونداي-اق 60 تان استام ۆولونتەر ۇيىمدارى جۇمىلدىرىلدى»، - دەدى دانيار ەسين.

«قارجى ورتالىعى» ا ق دەپارتامەنتى ديرەكتورىنىڭ ورىنباسارى اقجول قۇرمانسەيىتتىڭ سوزىنە قاراعاندا، بۇل باستاما ۆولونتەر جاستاردى قولداۋ ماقساتىندا، ج و و- دا كۇندىزگى بولىمدە وقىپ جاتقانداردىڭ شاكىرتاقىسىن 30 پايىز دەڭگەيىندە كوتەرۋ باعىتىندا ىسكە اسىرىلادى.

«وسى نەگىزدە ەلىمىز بويىنشا بيىل 10 مىڭ تارتا جاس ازاماتتى قامتيمىز دەگەن جوسپارىمىز بار. الداعى جىلى ولاردىڭ سانى 44 مىڭعا جەتكىزىلمەك، سونداي-اق ودان كەيىنگى جىلدارى جوبانىڭ قاتىسۋشىسى رەتىندە 50 مىڭ ادامدى جۇمىلدىرۋ ەسكەرىلگەن. ەرىكتى جاستاردى تەك قانا تەگىن جۇمىس جۇرگىزۋگە ەمەس، سونىمەن قاتار ولاردى ىنتالاندىرۋ ماقساتىندا، ياعني ۋنيۆەرسيتەتتە وقىپ جۇرگەن جاستاردىڭ ەلىمىزگە تيگىزىپ جاتقان پايداسىن مەملەكەت تاراپىنان قولداۋ تۇرعىسىندا جۇزەگە اسىرىلىپ جاتىر»، - دەدى ا. قۇرمانسەيىت.

ەستەرىڭىزگە ساتا كەتەيىك، جىل باسىندا ەلباسى نۇرسۇلتان نازاربايەۆ ۇكىمەتكە ۆولونتەرلىكپەن اينالىساتىن ج و و ستۋدەنتتەرىنىڭ شاكىرتاقىسىن 30 پايىزعا ارتتىرۋدى تاپسىردى.