جەمقورلىققا قارسى اگەنتتىك استاناداعى جەر ءۇستى مەترو قۇرىلىسىنا قاتىستى ءىستى تەرگەپ جاتىر
«قازىرگى ۋاقىتتا نۇر- سۇلتان قالاسىنىڭ سىبايلاس جەمقورلىققا قارسى قىزمەتى «استانا LRT» ج ش س- نىڭ لاۋازىمدى تۇلعالارىنا قاتىستى جەڭىل رەلستى كولىك جوباسىنىڭ قۇرىلىسى كەزىندە بيۋدجەت قاراجاتىنىڭ جىمقىرىلۋى بويىنشا تەرگەۋ امالدارىن جۇرگىزىپ جاتىر. ءىس قازىرگى تاڭدا تەرگەلۋدە. تەرگەۋ مۇددەسىنە سايكەس تولىققاندى اقپاراتتى جاريالاي المايمىز»، - دەدى ق ر سىبايلاس جەمقورلىققا قارسى ءىس- قيمىل اگەنتتىگى تەرگەۋ كوميتەتىنىڭ باس تەرگەۋشىسى دانيار بەكايداروۆ اگەنتتىكتە وتكەن باسپا ءسوز ءماسليحاتىندا.
«استانا LRT» ج ش س- نىڭ بۇرىنعى باسقارما ءتوراعاسى تالعات اردانعا حالىقارالىق ىزدەۋ جاريالانعانى بۇعان دەيىن حابارلانعان بولاتىن.
«استانا LRT» ج ش س- نىڭ بۇرىنعى باسقارما ءتوراعاسى تالعات اردانعا قاتىستى سىبايلاس جەمقورلىققا قارسى ءىس- قيمىل اگەنتتىگى دەپارتامەنتى تاراپىنان قىلمىستىق ءىس قوزعالدى. ونى قاماۋعا الۋ تۋرالى ءوتىنىمحات جولداندى»، - دەگەن ەدى «استانا LRT» ج ش س باسشىسى ب. يگەنبەردينوۆ.
ايان بەكەن ۇلى