الماتىنىڭ باس پوليتسەيى كسەنيا اشىعاليەۆاعا قاتىستى ءىستىڭ ءمان-جايىن ايتتى

الماتى. قازاقپارات - الماتى قالالىق پوليتسيا دەپارتامەنتىنىڭ باسشىسى سەرىك كۇدەبايەۆ ءانشى كسەنيا اشىعاليەۆانىڭ ىسىنە قاتىستى تەرگەۋ شارالارى تۋرالى ايتىپ بەردى، دەپ حابارلايدى قازاقپارات ءتىلشىسى.

«بۇل دەرەك بويىنشا ق ر ق ك- ءنىڭ 110-بابى (قورلىق كورسەتۋ) سوتقا دەيىنگى تەرگەۋ امالدارى باستالدى. پ د تەرگەۋ باسقارماسى ق ر ق ك- ءنىڭ 126-بابىنىڭ 2-بولىگىمەن (باس بوستاندىعىنان زاڭسىز ايىرۋ) قوسىمشا ءىس قوزعادى. باۋىرجان اشىعاليەۆ ۋاقىتشا ۇستاۋ وقشاۋلاعىشىنا قامالدى. جاقىن ارادا وعان قاتىستى بۇلتارتپاۋ شاراسى قابىلدانادى»، - دەدى سەرىك كۇدەبايەۆ.

پ د باسشىسى تەرگەۋ جۇمىستارىنىڭ وبەكتيۆتى وتۋىنە كەپىلدىك بەرەتىنىن اتاپ ءوتتى.

«قىلمىس بولعان جەر - ءۇيدىڭ جەرتولەسى تەكسەرىلدى. دالەلدەر بازاسى جينالدى. بەتپە-بەت كەزدەسۋلەر ۇيىمداستىرىلدى. اشىعاليەۆانىڭ وتىنىشىمەن توبەلەسكە اراشا تۇسكەن كۋاگەردەن جاۋاپ الىندى. سول كەزدە قاسىندا بولعان كۇدىكتىنىڭ دوسى دا جاۋاپ بەردى. ول ىسكە كۋاگەر رەتىندە قاتىسادى. تەرگەۋدىڭ وسى كەزەڭىندە كسەنيا اشىعاليەۆانىڭ ايتقاندارىن ءبارى راستاپ وتىر. ايىپتى ادامدار مىندەتتى تۇردە جازاسىن الادى»، - دەدى سەرىك كۇدەبايەۆ.

مۇنىڭ الدىندا كسەنيا اشىعاليەۆا ءوزىنىڭ كۇيەۋى باۋىرجان اشىعاليەۆتىڭ ۇرىپ-سوققانىن ايتىپ فەيسبۋكتەگى #نەمولچيkz توبىنا شاعىمدانعان ەدى.

قىلمىستىق ءىستى تەكسەرۋ پروتسەسىن پوليتسيا دەپارتامەنتىنىڭ باسشىسى ءوز باقىلاۋىنا الدى.

كسەنيا اشىعاليەۆا «Jackpot» توبىنىڭ ءانشىسى بولسا، ونىڭ كۇيەۋى باۋىرجان اشىعاليەۆ وسى توپتا گيتاراشى.