«وتانداستار» قورى تۇركياداعى قانداستاردىڭ بيزنەسىمەن تانىستى

تۇركيا. قازاقپارات - «وتانداستار» قورىنىڭ بيزنەس جانە جوبالاردى اكسەلەراتسيالاۋ بويىنشا اتقارۋشى ديرەكتورى دانيار بايعارايەۆ باستاعان دەلەگاتسيا تۇركيادا تۇراتىن قازاق بيزنەسمەندەرىمەن كەزدەستى، دەپ حابارلايدى قازاقپارات.

«كەزدەسۋگە «El Tiregi» قازاقستاننىڭ شاعىن جانە ورتا بيزنەسى قاۋىمداستىعىنىڭ باسقارما ءتوراعاسى اسقار اۋباكىروۆ پەن «ك ا ت ك ا» قازاقستان-تۇرىك كاسىپكەرلەرى قاۋىمداستىعىنىڭ باس حاتشىسى، «Business & Travel Central Asia» اتقارۋشى ديرەكتورى دىنمۇحاممەد زياتبەكوۆ، سونىمەن قاتار بيزنەسكە ينۆەستيتسيا تارتۋ جانە دامىتۋ ءىسى بويىنشا شاقىرىلعان ساراپشىلار قاتىستى.

شارا «وتانداستار» قورىنىڭ تۇركياداعى قانداستارمەن 31- شىلدە كۇنى ۇيىمداستىرعان بيزنەس فورۋم اياسىندا ءوتتى. كەزدەسۋدىڭ باستى ماقساتى - قازاق بيزنەسمەندەردىڭ بيزنەسىن تۇركيامەن قاتار قازاقستان نارىعىندا دا دامىتۋعا قاجەتتى قولداۋدى تالقىلاۋ»، - دەلىنگەن «وتانداستار» قورىنىڭ اقپاراتىندا.

قازاقستاندىق دەلەگاتسيا ارالاپ كورگەن وتانداستار كاسىپورىندارىنىڭ ءبىرى - داستارحان شىعارۋمەن اينالىساتىن «اكيول» كومپانياسى. 50 جىلدىق تاريحى بار كومپانيا تولىق اۆتوماتتاندىرىلعان. ەكسپورتتىق الەۋەتى جوعارى. كومپانيادا بۇگىندە جۇمىس ىستەيتىن 38 ادامنىڭ باسىم بولىگى ەتنيكالىق قازاقتار. كومپانيا باسشىسى ەيۋپ اكيولدىڭ ءوزى 20- عاسىردا تۇركياعا قونىستانعان قازاقتاردىڭ ۇرپاعى ەكەن.

تاريحي وتانى، باۋىرلار جايىندا تەبىرەنە تولعانعان ول، ءوز جيناعان تاجىريبەسى مەن ءبىلىمىن وسى بيزنەسپەن اينالىسقىسى كەلگەن نەمەسە قازاقستاندا فيليال اشۋعا نيەتتەنگەن كەز كەلگەن وتانداسىنا بەرۋگە دايىن ەكەنىن جەتكىزدى.

اكيول مىرزانىڭ ءوزى بيزنەسىن 10 جىلدان استام ۋاقىتتان بەرى تاريحي وتاندا اشۋدى جوسپارلاپ جۇرگەندىكتەن، دەلەگاتسيانىڭ كەلگەندىگىنە جانە قازاقستاننىڭ تۇركيا ازاماتتارى-ەتنيكالىق قازاقتارعا كومەكتەسۋگە مۇددەلى ەكەندىگىنە وتە قۋاندى.

دەلەگاتسيانىڭ ات باسىن تىرەگەن كەلەسى جەرى داستارحان، لينوليۋم، شاناق بولشەكتەرىن جيناقتاپ، ساندىك بەزەندىرۋدى وندىرۋمەن جانە قايتا وڭدەۋمەن اينالىساتىن كومپانيا بولدى. كومپانيانى ەكىنشى بۋىندى ەميگرانت، ەتنيكالىق قازاق يفران سيەۆەنچان باسقارادى. ءوندىرىس سوڭعى ونىمدەرىنىڭ وزىندىك قۇنىنىڭ تومەندىگى، ساپاسىنىڭ جوعارىلىعى ارقاسىندا ىستانبۇلداعى ۇقساس ونىمدەر اراسىنداعى كوشباسشىلاردىڭ ءبىرى بولىپ تانىلعان.

بۇگىندە كومپانيادا 10 عا تارتا ادام جۇمىس ىستەيدى. ەندىگى جوسپار - الماتىدا فيليال اشۋ. دياسپورا وكىلدەرىمەن ىسكەرلىك بايلانىستى دامىتۋ تۋرالى جاڭالىقتى سيەۆەنچان مىرزا زور قۋانىشپەن قارسى الدى. ونىڭ ايتۋىنشا، ەتنيكالىق قازاقتاردان شىققان كوپتەگەن بيزنەس وكىلى ىسكەرلىك بايلانىس ورناتۋعا جانە جاڭا رىنوكتى زەرتتەۋگە مۇددەلى.

بۇدان كەيىن دەلەگاتسيا كيىم مەن ونىڭ ەرەكشەلىكتەرىن، سۋمكالار جانە پورتفەلدەردى اشەكەيلەۋمەن اينالىساتىن كومپانياعا باردى. كومپانيانى قازاق دياسپوراسىنىڭ مۇشەسى، تۇركيادا تۋعان ومەر چورۋحلۋ باسقارادى. كومپانيانىڭ وندىرىستىك قۋاتى مول جانە ونىمدەرىن ا ق ش، ەۋروپا، ەفيوپيا، مەن ت م د ەلدەرىنە شىعارادى.

كومپانيا قازاقستان قالالارىنىڭ بىرىندە وكىلدىگىن اشۋعا قازىردىڭ وزىندە دايىن. دەلەگاتسيا ساپارىن قازاقستان نارىعىنا شىعۋعا مۇددەلى، كۇرتەشە، تون، تۇلىپ تىگۋمەن جانە ساتۋمەن اينالىساتىن تۇركيانىڭ ازاماتى، وتانداسىمىز مۇستافا اكيۋزدىڭ كاسىپورنىمەن تانىسۋمەن اياقتادى.

«دەلەگاتسيا وكىلدەرى وتانداستاردى بيزنەستى دامىتۋدا جانە جۇيەلى نەگىزدە بەرىك ىسكەرلىك بايلانىس ورناتۋدا مۇمكىندىگىنشە قولداۋ بولاتىنىنا سەندىردى. باستى مىندەتى قازاقستانمەن قاتار شەت ەلدە بيزنەس جوبالاردى ىزدەۋ جانە دامىتۋعا كومەك كورسەتۋگە باعىتتالعان «اتامەكەن» ىسكەرلىك ءۇيىن قۇرۋ جوباسى تۋرالى ايتتى. ۇيىمداستىرۋشىلاردىڭ ويلاستىرۋى بويىنشا دۇنيەجۇزىلىك قازاق ءۇيى قۇرامىنا كىرەتىن جوبا ساياسات پەن كوممەرتسيادان تىس بولادى»، - دەلىنگەن قوردىڭ باسپا ءسوز بايانىندا.