شىمكەنت زووباعىندا جيرافقا ءمىنىپ العان جىگىتتى پوليتسيا ىزدەپ جاتىر

None
None
شىمكەنت. قازاقپارات - شىمكەنت زووباعىندا جيرافتىڭ موينىنا ءمىنىپ العان ازاماتتى پوليتسيا ىزدەستىرە باستادى.بۇل تۋرالى قالالىق پ د باسپا ءسوز قىزمەتى مالىمەت تاراتتى، دەپ حابارلايدى قازاقپارات ءتىلشىسى.

«28 -شىلدەدە شىمكەنت زووباعىنىڭ اكىمشىلىگى ءال-فارابي اۋدانىنىڭ پوليتسيا باسقارماسىنا ارىز تۇسىرگەن. وندا زووباققا كەلۋشىلەردىڭ ءبىرى ءتارتىپ ەرەجەسىن بۇزعانى تۋرالى حابارلانعان. قازىرگى تاڭدا پوليتسيا قىزمەتكەرلەرى اكىمشىلىك جاۋاپكەرشىلىككە تارتۋ ماقساتىندا كەلۋشىنىڭ جەكە باسىن انىقتاۋدا» دەلىنگەن حابارلامادا.

ايتا كەتەيىك، الەۋمەتتىك جەلىلەردە زووباق اۋماعىندا كەلۋشىلەردىڭ ءبىرى كەرىككە ءمىنىپ، بۇزاقىلىق جاساعانى تۋرالى ۆيدەو تاراعان بولاتىن. كەيىننەن بۇل كورىنىستىڭ 27 -شىلدە كۇنى تۇسىرىلگەنى بەلگىلى بولعان. جەلى قولدانۋشىلارى ءتارتىپ بۇزعان ازاماتتىڭ ءتيىستى جازاسىن الۋىن پوليتسيادان تالاپ ەتكەن بولاتىن. وسىدان كەيىن زووباق باسشىلىعى پوليتسيا باسقارماسىنا ارىز تۇسىرگەن.



اۆتور: اينۇر اقبايەۆا

سوڭعى جاڭالىقتار