سوتتالعانداردىڭ ازاپتالۋى: كولونيا باسشىلىعىنان جەتەۋى جۇمىستان قۋىلدى – ءى ءى م
بۇل جايىندا ق ر ءى ءى م رەسمي وكىلى ءنۇردىلدا وراز ءمالىم ەتتى، دەپ حابارلايدى قازاقپارات ءتىلشىسى.
«26 -شىلدە كۇنى الەۋمەتتىك جەلىلەردە الماتى وبلىستىق قىلمىستىق-اتقارۋ جۇيەسىنە تيەسىلى 155/8 مەكەمەسىندە ءجابىر كورگەن سوتتالۋشىلاردىڭ ۆيدەوسى تاراعان بولاتىن. وسىعان بايلانىستى بۇل ماتەريالداردىڭ بارلىعىن ءجىتى زەرتتەپ، ونىڭ راسىمەن دە سوتتالۋشىلارعا مەكەمە قىزمەتكەرلەرىنىڭ تاراپىنان قانداي دا ءبىر كۇش قولدانىلعانىن كورىپ شىعىپ، وسى ماتەريالداردى وبلىستىق پروكۋراتۋراعا جولدادىق»، - دەدى رەسمي وكىل مينيسترلىكتە وتكەن بريفينگتە.
ونىڭ سوزىنە قاراعاندا، ىشكى ىستەر ءمينيسترىنىڭ تاپسىرماسى بويىنشا وسى ماسەلىنى ەگجەي- تەگجەيلى تەكسەرۋ ءۇشىن جەدەل تۇردە قىلمىستىق-اتقارۋ جۇيەسىندە ارنايى كوميسسيا قۇرىلدى.
«بۇل تۇرعىدا قىلمىستىق-اتقارۋ جۇيەسى كوميتەتىنەن الماتى وبلىسىنا وكىلدەر جىبەرىلدى. 29 -شىلدەدە تارتىپتىك كوميسسيانىڭ ناتيجەسى بويىنشا، 14 قىزمەتكەر ءتۇرلى جاۋاپكەرشىلىككە تارتىلدى. ونىڭ ىشىندە جەتەۋى قىزمەتىنەن بوساتىلدى. لا-155/8 مەكەمەسى باسشىنىڭ ەكى ورىنباسارى جۇمىستان قۋىلدى، سونداي-اق مەكەمە باسشىسى ورنىنان بوسادى»، - دەدى ن. وراز.
ن. وراز وسىنداي زاڭسىزدىقتاردى بولدىرماۋعا قاتىستى ىشكى ىستەر مينيسترلىگى تاراپىنان ناقتى شارالار قابىلداناتىنىن اتاپ ءوتتى.
بۇدان بۇرىن حابارلانعانداي، ق ر ىشكى ىستەر مينيسترلىگى الماتى وبلىسىندا كولونياداعى زاڭسىز ارەكەتتەر بەينەلەنگەن ۆيدەونى تەكسەرەتىنىن مالىمدەگەن بولاتىن.
اۆتور: رۋسلان عابباسوۆ