باكۋدە ناۋرىز مەيرامى وزگەشە ستيلدە تويلانادى

None
None
باكۋ. Trend - قازاقپارات - باكۋ اقپاراتتىق تۋريستىك ورتالىعى ازەربايجان استاناسى باكۋدە ناۋرىز مەيرامىن وتكىزۋدىڭ جاڭا جوباسىن جۇزەگە اسىرىپ جاتىر.

بۇل جونىندە Trend اگەنتتىگىنە ورتالىقتىڭ ديرەكتورى رۋفات باگيروۆ حابارلادى.

ونىڭ ايتۋىنشا، قازىر جاڭا جوبالار ازىرلەنۋدە.

«جوبالاردىڭ ءبىرى ناۋرىز كارناۆالىن وتكىزۋمەن بايلانىستى. ۇلتتىق كەيىپكەرلەردى باكۋدىڭ ورتالىق كوشەلەرىندە وتەتىن كارناۆالعا قاتىستىرۋ جوسپارلانعان. بۇل - ەرەكشە جوبا جانە مەيرامدى ءوز كوزىمەن كورگەن تۋريستەر باكۋگە قايتا ورالسا دەيمىز»، - دەدى باگيروۆ.

ەسكە سالا كەتەيىك، 2009 -جىلعى 30 قىركۇيەكتە يۋنەسكو ناۋرىز مەيرامىن ماتەريالدىق ەمەس مادەني مۇرالاردىڭ رەپرەزەنتاتيۆتىك تىزىمىنە ەنگىزگەن ەدى.

2010 -جىلدىڭ 24 -اقپانىندا ب ۇ ۇ باس اسسامبلەياسى ءبىر اۋىزدان رەزوليۋتسيا قابىلداپ، 21 -ناۋرىزدى حالىقارالىق ناۋرىز كۇنى دەپ جاريالادى.

سوڭعى جاڭالىقتار