قازاقستاندىقتار ءسۇت ونىمدەرىن از تۇتىنادى

الماتى. قازاقپارات - قازاقستانداعى Danone كومپانياسى ساراپشىلارىنىڭ ايتۋىنشا، ەلىمىزدە ءسۇت ونىمدەرىن از تۇتىنۋ سالدارىنان وستەوپوروز دەرتى كەڭىنەن تارالۋى ىقتيمال، دەپ حابارلايدى قازاقپارات ءتىلشىسى.

رەسمي مالىمەتكە سۇيەنسەك، قازاقستاندىقتاردىڭ ءسۇت ونىمدەرىن پايدالانۋ كورسەتكىشى - كۇنىنە 700 گرامم. بۇل - ەرەسەك ادامعا شاققانداعى مينيمالدى تاۋلىكتىك كورسەتكىشتىڭ %79. دارىگەرلەر قازاقستاندا وستەوپوروز دەرتىنىڭ (سۇيەكتى زاقىمدايتىن سوزىلمالى اۋرۋ) 2012 -جىلدان باستاپ %8 عا وسكەنىن ايتادى.

«اعزانىڭ تۇراقتى قىزمەت ەتۋى ءۇشىن ادامزات بالاسىنا كۇندەلىكتى كالتسيي مەن وزگە ميكروەلەمەنتتەردى تولىقتىرۋ قاجەت. اعزاعا قاجەتتى ەلەمەنتتەردىڭ بارلىعى ءسۇت ونىمدەرىندە بار. ءسۇت ونىمدەرىنىڭ ءۇش ولشەمىندە كالتسييدىڭ تاۋلىكتىك كولەمىنىڭ %80 جانە 250 گە جۋىق پايدالى ەلەمەنت بار. ادامزات بالاسى ءۇشىن ەڭ ماڭىزدىسى - امين قىشقىلدارىنا تولى ءسۇت اقۋىزى»، - دەيدى ءسۇت ونىمدەرىن ءوندىرۋ كومپانياسىنىڭ وكىلى دىنمۇحامەد ايساۋىتوۆ

اۆتور: الما مۇقانوۆا