ەلوردادا گۇرىلى قاتتى اۆتوكولىكتەرگە ايىپپۇل سالىندى
اتاپ ايتقاندا، «قاۋىپسىز جول» بارىسىندا رەيد جۇرگىزىلىپ جاتىر. وسى ورايدا جولدا ءجۇرۋ ەرەجەسىن بۇزعانداردى انىقتاۋ مەن جولداعى ءتارتىپتى ساقتاۋعا ەكپىن قويىلدى. سونىمەن قاتار، تەحنيكالىق رەتتەۋ سالاسىندا ەسكەرىلگەن رەگلامەنتتەر مەن ستاندارتتارعا جاۋاپ بەرمەيتىن كولىك قۇرالدارىن دا انىقتاۋعا نازار اۋدارىلدى.
«ەكى كۇننىڭ ىشىندە نۇر- سۇلتان قالاسى پوليتسيا دەپارتامەنتىنىڭ قىزمەتكەرلەرى ەرەجە بۇزعان وسىنداي 50 جۇرگىزۋشىنى انىقتادى. بۇل تۇرعىدا اتالعان كولىكتەردىڭ جۇرگىزۋشىلەرى اكىمشىلىك جاۋاپكەرشىلىككە تارتىلدى»، - دەلىنگەن حابارلامادا.
كولىكتەردەگى كەمشىلىكتەردى جويعانعا دەيىن ولاردى پايدالانۋعا تىيىم سالىندى.
پوليتسەيلەردىڭ ايتۋىنشا، نەگىزىنەن 2000 - جىلعا دەيىن شىعارىلعان БМВ، سۋبارۋ جانە ۆاز ماركالى اۆتوماشينالارىنىڭ قوزعالتقىشىنىڭ دىبىسى قاتتى گۇرىلدەگەن. بۇعان قوزعالتقىشتان شىعاتىن دىبىستى باسەڭدەتكىش جۇيەسىنىڭ تالاپتارعا ساي بولماۋى اسەر ەتۋدە.
اتاپ ايتقاندا، ءتيىستى رۇقساتسىز قايتا جابدىقتالعان كولىك قۇرالىن باسقارعانى ءۇشىن 15 ايلىق ەسەپتىك كورسەتكىش كولەمىندە ايىپپۇل قاراستىرىلعان.
اۆتور: رۋسلان عابباسوۆ