اقمولادا كوپبالالى وتباسىلار ۇلتتىق سالت-داستۇردەن سىنعا ءتۇستى

كوكشەتاۋ. قازاقپارات - اقمولا وبلىسىندا كوپبالالى وتباسىلار ارىسىندا ۇلتتىق سالت-ءداستۇردى ناسيحاتتاۋ بويىنشا سايىس ءوتتى، دەپ حابارلايدى قازاقپارات ءتىلشىسى.

اقمولا وبلىستىق ىشكى ساياسات باسقارماسىنىڭ «اسىل مۇرا» وتباسىلىق قۇندىلىقتار ورتالىعىن ۇيىمداستىرۋ» مەملەكەتتىك الەۋمەتتىك تاپسىرىسى شەڭبەرىندە قازاقستان حالقى اقمولا اسسامبلەياسىندا «شاڭىراق» الەۋمەتتىك-پسيحولوگيالىق جانە زەرتتەۋ ورتالىعى» قوعامدىق قورىنىڭ ۇيىمداستىرۋىمەن قيكەن سايىستا وبلىستىڭ ءارى وڭىرىنەن جينالعان التى كوپبالالى وتباسى «قۇدالىق»، «شەگە شاپان»، «قۇيرىق باۋىر»، «ساۋكەلە»، «كەلىننىڭ كورىمدىگى»، «ورامال سالۋ»، «باتا» ءتارىزدى ۇلتتىق سالت-داستۇرلەرىن پاش ەتتى.

«شارانىڭ ماقساتى - قازاق حالقىنىڭ ۇلتتىق سالت-داستۇرلەرىن، وتباسىلىق قۇندىلىقتاردى ناسيحاتتاۋ، جاستاردىڭ بويىندا پاتريوتيزم مەن وتانسۇيگىشتىكتى دامىتۋ. جەڭىمپازدار «مەنىڭ وتباسىم - مەنىڭ بايلىعىم» - تانىستىرۋ، «ءداستۇر - ءبىزدىڭ بايلىعىمىز» - ءۇي جۇمىسى، «ونەر» - ۇلتتىق ونەر سايىسى، «وتباسى باقىتىنىڭ قۇپياسى» - تورەشىلەردىڭ ساۋالدارىنا جاۋاپ بەرۋ كەزەڭدەرى بويىنشا انىقتالدى»، - دەيدى سايىستىڭ باس تورەشىسى، «قازاق ءتىلى مەن مادەنيەتى» قوعامدىق بىرلەستىگىنىڭ ءتوراعاسى مەيرامبەك قيىقوۆ.

سايىس قورىتىندىسى بويىنشا حاسەنوۆتەر وتباسى ءبىرىنشى ورىنعا لايىق دەپ تانىلسا، ىسقاقوۆتار مەن بيجانوۆتار وتباسى ەكىنشى جانە ءۇشىنشى ورىنداردى ءوزارا ءبولىستى.

شاراعا «Nur Otan» پارتياسى كوكشەتاۋ قالالىق فيليالى قولداۋ ءبىلدىردى.

اۆتور: اسلان وسپانوۆ