ديماش قۇدايبەرگەن مەن يگور كرۋتوي جاڭا اندەرىن ۇسىنادى

ماسكەۋ. قازاقپارات - ديماش قۇدايبەرگەن مەن يگور كرۋتوي جاڭا اندەرىن ۇسىنادى. بۇل تۋرالى رەسەيدىڭ حالىق ءارتىسى ت ا س س اگەنتتىگىنە بەرگەن سۇحباتىندا ايتتى، دەپ حابارلايدى قازاقپارات.

«مەنىڭ 26- قازان كۇنى نيۋ-يوركتەگى «باركلايس-سەنتەردە» وتەتىن مەرەيتويلىق كەشىمدە ديماش تانىمال بولىپ ۇلگەرگەن بەس-التى تاڭداۋلى ءاندى ايتادى، بۇدان بولەك تاعى ءبىرازىنىڭ ۇستىندە جۇمىس ىستەپ جاتىرمىز»، - دەدى يگور كرۋتوي.

كومپوزيتوردىڭ ايتۋىنشا، ديماشتىڭ دا وعان كوپ كومەگى ءتيىپ وتىر. «ونىڭ كونتەنتىن تىڭدارماندار اسىعا كۇتىپ وتىرادى. ءان شىقتى ما، ەرتەڭىنە تاڭەرتەڭ 2 ميلليون قارالىم، 10 ميلليون قارالىم... مەن مۇندايدى بۇعان دەيىن كورگەن ەمەسپىن»، - دەيدى مۋزىكانت.

ديماش قۇدايبەرگەن تامىز ايىنىڭ اياعىندا سوچي قالاسىندا يگور كرۋتوي ۇيىمداستىرعالى وتىرعان «نوۆايا ۆولنا» فەستيۆالىندە، كۇزدە نيۋ-يورك، ماسكەۋ، مينس، ديۋسسەلدورف قالالارىندا وتەتىن مەرەيتوي كونسەرتتەرىندە ونەر كورسەتەدى.

بۇدان بولەك، قازاق ءانشىسى رەسەيدىڭ سانكت-پەتەربۋرگ جانە ا ق ش- تىڭ نيۋ-يورك قالالارىندا جەكە كونسەرتىن وتكىزەدى.

ەسكە سالا كەتەيىك، بۇعان دەيىن ديماش قۇدايبەرگەن ايگىلى لارا فابيانمەن دۋەت ورىندايتىنىن حابارلاعان ەدى.