الماتىدا بالاباقشادان بالا ۇرلاماق بولعان ايەل ۇستالدى
الماتىدا 5 جاسار بالانى ۇرلاۋ ارەكەتى تۋرالى مالىمدەمە مەدەۋ اۋداندىق پوليتسيا بولىمىنە تۇسكەننەن سوڭ ق ر ق ك 125-بابى بويىنشا سوتقا دەيىنگى تەرگەۋ باستالدى.
قىلمىستى اشۋ ءۇشىن كريمينالدى پوليتسيا قىزمەتىندە تەرگەۋ-جەدەل توبى قۇرىلدى. كۇدىكتى ايەل ءتۇرىن قانشالىقتى جاسىرۋعا تىرىسقانىمەن، بىردەن انىقتالدى.
«جەدەل ىزدەستىرۋ شارالارىنىڭ ارقاسىندا كۇدىكتى بۇگىن الماتى وبلىسى كەگەن اۋدانىنداعى اتا-اناسىنىڭ ۇيىندە ۇستالدى. تەرگەۋ شارالارىن وتكىزۋ ءۇشىن ول الماتىعا جەتكىزىلدى»، - دەيدى مەدەۋ اۋداندىق پوليتسيا ءبولىمىنىڭ باسشىسى بولات توتىبايەۆ.
30 جاستاعى كۇدىكتى سول بالاباقشانىڭ تاربيەشىسى بولىپ شىقتى.
«كۇدىكتى - ءاليحاندى ۇرلاپ اكەتكەن توپتىڭ تاربيەشىسى. قىلمىس جاساعان كەزدە ول ەڭبەك دەمالىسىندا بولعان. بالانى بەيتانىس ادامعا بەرمەگەن قىراعى تاربيەشى ونى ۋاقىتشا الماستىرعان. كۇدىكتى بالانىڭ اتا-اناسىنان اقشا تالاپ ەتۋدى جوسپارلاعان. سۇراقتارعا جاۋاپ بەرگەننەن كەيىن كۇدىكتىنى ۋاقىتشا ۇستاۋ يزولياتورىنا قامايمىز»، - دەدى مايور توتىبايەۆ.
اۆتور: الما مۇقانوۆا