فرانسيانىڭ قازاقستانداعى ەلشىسى ابايدىڭ ولەڭىن قازاق تىلىندە وقىدى
«فرانسيانىڭ قازاقستانداعى توتەنشە جانە وكىلەتتى ەلشىسى فيليپپ مارتينە #اباي175 ەستافەتاسىن تىكەلەي ەفيردە جالعاستىرىپ، ونى شىمكەنت قالاسىنىڭ اكىمى عابيدوللا ابدىراحىموۆكە، كاسىپكەر ارمانجان بايتاسوۆقا جانە ساياساتتانۋشى دوسىم ساتپايەۆقا جولدادى»، دەلىنگەن حابارلامادا.
ايتا كەتەيىك، ق ر پرەزيدەنتى قاسىم-جومارت توقايەۆ ابايدىڭ 175 جىلدىعىنا ارنالعان 9 جاسار مەكتەپ وقۋشىسىنىڭ ەستافەتاسىن قابىل الىپ، ونى ءبىلىم جانە عىلىم ءمينيسترى اسحات ايماعامبەتوۆكە جانە بۇكىل الەمدى مويىنداتقان تالانتتى ءانشى ديماش قۇدايبەرگەنگە جولداعان ەدى.
اتالمىش ەستافەتانى «قازاقپارات» حالىقارالىق اقپارات اگەنتتىگىنىڭ ۇجىمى «Egemen Qazaqstan» گازەتىنەن قابىل الىپ، ابايدىڭ «كوزىمنىڭ قاراسى» ءانىن بەس تىلدە شىرقادى. ەستافەتانى «تاتار-ينفورم» اقپارات اگەنتتىگىنە، قىرعىز رەسپۋبليكاسىنىڭ «كابار» ۇلتتىق اقپارات اگەنتتىگىنە، «Tengrinews» جانە NUR. KZ پورتالدارىنا جولدادى.