13:42, 24 - شىلدە 2019 | GMT +6
توقايەۆ ۇكىمەتكە پويىز بيلەتىنىڭ تاپشىلىعىن جويۋدى تاپسىردى
نۇر-سۇلتان. قازاقپارات – ق ر پرەزيدەنتى قاسىم-جومارت توقايەۆ ۇكىمەتكە جازدا پويىز بيلەتىنىڭ تاپشىلىعىن جويۋدى تاپسىردى، دەپ حابارلايدى قازاقپارات.
«ۇكىمەتكە جاز مەزگىلىندە پويىز بيلەتتەرىنىڭ تاپشىلىعىن قولدان جاساۋدى توقتاتۋ تۋرالى تاپسىرما بەردىم. بۇل جاعداي ازاماتتارىمىزعا قولايسىزدىق تۋعىزىپ، ەلىمىزدەگى ىشكى تۋريزمنىڭ دامۋىنا كەدەرگى كەلتىرىپ وتىر»، دەپ جازدى مەملەكەت باسشىسى Twitter- دەگى پاراقشاسىندا.
ەسكە سالا كەتسەك، «جولاۋشىلار تاسىمالى» ا ق 1- شىلدەدەن باستاپ ەلەكتروندى تەمىرجول بيلەتتەرىن ساتۋدىڭ جەتىلدىرىلگەن جۇيەسىن ىسكە قوستى. سونداي-اق كومپانيا بيلەتتەردىڭ الدىن الا ساتىلۋىنا قاتىستى تۇسىنىك بەرگەن بولاتىن.