شىمكەنت الەمدىك «جاسىل قالالار» جوباسىنا ەندى

None
None
شىمكەنت. قازاقپارات - شىمكەنت قالاسىنىڭ اكىمى عابيدوللا ءابدىراحىموۆ لوندونعا ساپارمەن بارىپ، ەۋروپالىق قايتا قۇرۋ جانە دامۋ بانكىنىڭ شتاب-پاتەرىندە بولدى.

شاھار باسشىسى الەمدىك «جاسىل قالالار» جوباسىنا ەنۋ تۋرالى مەموراندۋمدارعا قول قويدى، دەپ حابارلايدى قازاقپارات ءتىلشىسى.

وسىلايشا شىمكەنت جەتەكشى «جاسىل» باعدارلاما جۇزەگە اسىرىلاتىن قازاقستانداعى العاشقى جانە الەمدەگى 31-قالا اتانىپ وتىر.



قول قويىلعان مەموراندۋم قالانى جارىقتاندىرۋ جانە جاڭا كارىز تازارتۋ جۇيەلەرىن ىسكە قوسىپ، قارجىلاندىرۋعا مۇمكىندىك بەرەدى. شىمكەنتتە ەنەرگەتيكا جانە كوممۋنالدىق شارۋاشىلىق سالاسىندا زاماناۋي ەكولوگيالىق جوبالاردى ەنگىزۋ بەلسەندى جۇزەگە اسىرىلادى»، - دەدى عابيدوللا ءابدىراحىموۆ.



ايتا كەتەيىك، بولاشاق جوبالاردىڭ قۇنى 100 ميلليون ا ق ش دوللارىن قۇرايدى. الەمدىك «جاسىل قالالار» جوباسى ەۋروپا قايتا قۇرۋ جانە دامۋ بانكى (ە ق ق د ب) باعدارلامالارىنىڭ نەگىزگى تەتىگى سانالادى. جوبا قالالاردىڭ تۇراقتى دامۋىنداعى ستراتەگيالىق ماقساتتارعا قول جەتكىزۋىنە كومەكتەسەدى. بۇعان قوسا جوبا اياسىندا ەكولوگيالىق پروبلەمالاردى - اۋانىڭ لاستانۋى، جەردى پايدالانۋ، ورتالىق جىلۋ جۇيەسى، كولىك كەپتەلىستەرى، قالدىقتاردى زالالسىزداندىرۋ، سۋمەن جابدىقتاۋ جانە كارىز جۇيەسى، سۋ رەسۋرستارىن پايدالانۋ ماسەلەلەرىن شەشۋدىڭ ينۆەستيتسيالىق جوبالارى مەن ءىس-شارالارى قاراستىرىلعان. الەمدىك تاجىريبەدە «جاسىل قالا» مارتەبەسى حالىقارالىق قارجى ۇيىمدارىنىڭ نازارىن اۋدارىپ، جوبالاردى جۇزەگە اسىرۋعا ينۆەستيتسيالىق مۇمكىندىك بەرەدى.



قازىرگى تاڭدا «جاسىل قالا» باعدارلاماسى كيەۆ، لۆوۆ، مينسك، بەلگراد، بىشكەك، ماريۋپول، سارايەۆو، ەريەۆان، تبيليسي جانە تاعى دا باسقا قالالاردا جۇزەگە اسىرىلۋدا.

سوڭعى جاڭالىقتار