ا ق ش- تىڭ جاڭا قورعانىس ءمينيسترى قىزمەتىنە كىرىستى

نۇر-سۇلتان. قازاقپارات - بۇرىنعى ارميا پودپولكوۆنيگى مارك ەسپەر سەيسەنبى كۇنى اق ۇيدە وتكەن سالتاناتتى راسىمدە ا ق ش- تىڭ جاڭا قورعانىس ءمينيسترى رەتىندە انت قابىلدادى، دەپ حابارلايدى قازاقپارات Fox News اگەنتتىگىنە سىلتەمە جاساپ.

ەسپەر دجەيمس مەتتيس وتكەن جىلدىڭ جەلتوقسانىندا وتستاۆكاعا ءوتىنىش بىلدىرگەننەن كەيىن پەنتاگوننىڭ ءبىرىنشى تۇراقتى باسشىسى بولدى.

ەسپەر پارسى شىعاناعىندا يراك اۋماعىنداعى سوعىسقا قاتىسقان. تۇراقتى اسكەردە 10 جىل جانە ۇلتتىق گۆارديا مەن ارميا رەزەرۆىندە 11 جىل قىزمەت ەتىپ، قازىرگى تاعايىنداۋعا دەيىن مينيستر مىندەتتەرىن اتقارىپ كەلدى.

جوعارعى سوتتىڭ سۋدياسى سامۋەل اليتو ودان انت قابىلدادى.

سەنات ەسپەردى سەيسەنبى كۇنى داۋىس بەرۋ ارقىلى وسى قىزمەتكە بەكىتتى. 90 سەناتور ەسپەردىڭ كانديداتۋراسىنا داۋىس بەرسە، سەگىز ادام قولداعان جوق.

The New York Times باسپاسىنىڭ جازۋىنشا، ەسپەر 1,3 ميلليون اسكەري قىزمەتشىسى بار اسكەردى باسقارادى.

ايتا كەتكەن ءجون، 2019-جىلعى ا ق ش- تىڭ اسكەري بيۋجەتى 716 ميلليارد دوللاردى قۇرايدى.