قازاقستاندا زەينەتاقى تولەمدەرىن ەسەپتەۋ ەرەجەسى وزگەرمەك

نۇر-سۇلتان. قازاقپارات – قازاقستاندا كەلەسى جىلدان باستاپ زەينەتاقى تولەمدەرىن ەسەپتەۋ ەرەجەلەرى وزگەرمەك.

جۇمىس بەرۋشىلەر ءتيىستى 10 پايىزدان بولەك، ب ج ز ق- عا قىزمەتكەرلەردىڭ جالاقىسىنان تاعى بەس پايىز اۋداراتىن بولادى دەپ حابارلايدى «حابار 24».

انىقتالعانداي، بۇل بەس پايىزدى جۇمىس بەرۋشى ءوز قارجىسىنان تولەيدى.

ەڭبەك پەن الەۋمەتتىك قورعاۋ مينيسترلىگىنىڭ ماماندارى قوسىمشا تولەمدەر جيناقتاۋ قورىنا اۋدارىلاتىن ايلىق تولەمدەردى 35 ميلليارد تەڭگەگە دەيىن كوتەرۋ مۇمكىن دەپ ەسەپتەيدى.

ايتا كەتۋ كەرەك، بۇل وزگەرىستەردى رەتتەيتىن زاڭ وسىدان ءتورت جىل بۇرىن قابىلدانىپ قويعان. باستاپقىدا ونى ىسكە اسىرۋدى 2018-جىلدان باستاۋعا جوسپارلاپ، كەيىننەن ەكى جىلعا شەگەرىپ تاستاعان.

ە ا ق م دەپارتامەنتىنىڭ ديرەكتورى ۆيكتوريا شەگاي قوسىمشا تولەمدەر 1980-جىلدان كەيىن تۋعاندار كىرمەيتىن زەينەتاقى بولىگىن وتەۋگە باعىتتالعانىن ايتادى.

«ءومىر سوڭىنا دەيىنگى تولەمدەردى قامتاماسىز ەتۋ ءۇشىن زەينەتاقىنى جيناقتاۋ جۇيەسى قازىرگى مودەرنيزاتسيا كونسەپتسياسىنا ساي، ونى قوسىمشا شارتتى-جيناقتاۋ كومپونەنتتەرىمەن تولىقتىرۋ شەشىمى قابىلدانعان» ، - دەدى شەگاي.