+7 (701) 759 90 19
-9 °С : نۇر-سۇلتان
-2 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

ا ق ش ۋكراينانىڭ جاڭا ۇكىمەتىمەن ىنتىماقتاسۋعا ءازىر

24 شىلدە 10:01
:ءبولىسۋ
ا ق ش ۋكراينانىڭ جاڭا ۇكىمەتىمەن ىنتىماقتاسۋعا ءازىر

نۇر-سۇلتان. قازاقپارات – پرەزيدەنت ۆلاديمير زەلەنسكيدىڭ پارتياسى 21- شىلدەدە وتكەن پارلامەنت سايلاۋىندا جەڭىپ شىققان سوڭ سەيسەنبى كۇنى ا ق ش ۇكىمەتى ۋكراينانىڭ جاڭا ۇكىمەتىمەن ىنتىماقتاسۋعا ءازىر ەكەنىن ءبىلدىردى.

مەملەكەتتىك دەپارتامەنت قۇتتىقتاۋ مالىمدەمەسىندە «ۋكراينانىڭ جەتىستىگىن باياندى قىلاتىن ماڭىزدى رەفورمالارعا سەرپىن بەرەتىنى ءۇشىن جاڭا ۋكراين ۇكىمەتىمەن جانە ۋكراين حالقىمەن بىرگە جۇمىس ىستەيتىنىن» جازعان.

زەلەنسكيدىڭ «سلۋگا نارودا» پارتياسى ۋكراينانىڭ جوعارعى راداسىنداعى 424 مانداتتىڭ 60 پايىزىن جەڭىپ العان. سوۆەت وداعى قۇلاعالى بەرى بۇل ەلدىڭ تاريحىندا ءبىرىنشى رەت ءبىر پارتيا پارلامەنتتەگى ايقىن باسىم كوپشىلىككە اينالعالى تۇر. سايلاۋ ناتيجەسى ۋكراين حالقىنىڭ قازىرگى ساياسي جۇيەگە دەگەن كوزقاراسىن دا اڭعارتتى.

سايلانعان جاڭا دەپۋتاتتاردىڭ 320 سى ەشقاشان دەپۋتات بولىپ كورمەگەن. راداعا 87 ايەل دەپۋتات سايلاندى. بۇل دا ەلدىڭ ساياسي تاريحىنداعى جاڭا رەكورد.

ايقىن جەڭىس - زەلەنسكي ءۇشىن زاڭ ۇستەمدىگىن ورناتۋ، جەمقورلىقپەن كۇرەسۋ جانە ۋكراينانىڭ شىعىسىنداعى التى جىلعا سوزىلعان رەسەيشىل سەپاراتيستەرمەن قاقتىعىستى وڭتايلى ەتىپ شەشۋ جولىنداعى زور مۇمكىندىك.

مەملەكەتتىك دەپارتامەنتتىڭ مالىمدەمەسىندە: «ا ق ش رەسەيدىڭ اگرەسسياسىمەن بەتپە-بەت كەلگەن ۋكرايناعا نىق قولداۋ قىلادى» دەگەن جول بار.

رەسەي ۋكراينانىڭ شىعىسىنداعى لۋگانسك جانە دونەتسك وبلىستارىنىڭ كەيبىر اۋداندارىن باسىپ العان سەپاراتيستەرگە جەتەكشىلىك قىلادى، دايىندىقتان وتكىزەدى، قارۋلاندىرادى جانە ساربازدارىن قوسىپ بەرەدى دەگەن ايىپتاردى ۇنەمى جوققا شىعارىپ كەلەدى.

زەلەنسكي وسى جازدا ۆاشينگتونعا رەسمي ساپار شەگىپ، ا ق ش پرەزيدەنتى دونالد ترامپپەن كەزدەسپەكشى. ول ۋكراينانىڭ جاڭا پرەمەر-ءمينيسترى قىزمەتىنە ەشقاشان ساياساتقا ارالاسپاعان ەكونوميست ماماننىڭ كىرىسكەنىن قۇپ كورەدى.


باستى سوزدەر: الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات