سولتۇستىك كورەيا رەسەيلىك بالىق اۋلاۋ كەمەسىن ۇستادى

ۆلاديۆوستوك. قازاقپارات - رەسەي فەدەراتسياسىنىڭ ديپلوماتتارى وتكەن اپتادا كورەي حالىق دەموكراتيالىق رەسپۋبليكاسىندا ۇستالعان رەسەيلىك كەمەگە قاتىستى ماسەلەنى شەشۋمەن اينالىسۋدا.

ولار ەكيپاج مۇشەلەرىمەن كەزدەستى، دەپ حابارلادى ت ا س س اگەنتتىگىنە ۆلاديۆوستوكتاعى رەسەي س ءى م وكىلى.

«ءدال سول كۇنى (18- شىلدەدە) ەلشىلىككە حابارلاندى، ديپلوماتتار اۋەل باستان ماسەلەنى شەشۋ ءۇشىن كۇش سالۋدا. بىلۋىمشە، ولار كەمە ەكيپاجىمەن كەزدەسكەن»، - دەدى س ءى م وكىلى.

س ءى م وكىلىنىڭ اقپاراتىنا سايكەس، كەمەنى كورەي حالىق دەموكراتيالىق رەسپۋبليكاسىنىڭ شەكارا قىزمەتى ۇستاعان. وندا ەكيپاجدىڭ 17 مۇشەسى بار، ەكەۋى - وڭتۇستىك كورەيانىڭ ازاماتتارى.

بۇعان دەيىن ب ا ق- تا رەسەيلىك «سيانحايلين-8» سەينەرى ۇستالعانى حابارلانعان ەدى. ول «سولتۇستىك- شىعىس بالىق اۋلاۋ كومپانياسى» ج ش ق- عا تيەسىلى.

«سيانحايلين-8» بالىق اۋلاۋ كەمەسى رەسەيدىڭ تۋى استىندا جۇمىس ىستەيدى. 2015-جىلى شىعارىلعان. كەمەنىڭ دەدۆەيتى 180 توننانى قۇرايدى، ۇزىندىعى - 37,86 مەتر، ال ەنى - 7,6 مەتر. «سولتۇستىك-شىعىس بالىق اۋلاۋ كومپانياسى» ساحاليندە تىركەلگەن. نەگىزگى اينالىساتىن كاسىبى - بالىق اۋلاۋ.