پرەزيدەنت تاپسىرماسىمەن براكونەرلىكپەن كۇرەسكە باعىتتالعان قىلمىستىق زاڭناما كۇشەيتىلەدى

نۇر-سۇلتان. قازاقپارات - براكونەرلىكپەن كۇرەستى كۇشەيتۋ ءۇشىن پرەزيدەنت تاپسىرماسىنا سايكەس قىلمىستىق زاڭناما كۇشەيتىلەتىن بولادى.

بۇل تۋرالى ق ر ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ ءمالىم ەتتى، دەپ حابارلايدى قازاقپارات.

«بۇگىنگى قايعىلى وقيعادان سوڭ، پرەزيدەنت تاپسىرماسىنا سايكەس قىلمىستىق زاڭناما كۇشەيتىلەدى. مينيسترلىك براكونەرلەرمەن كۇرەسۋ ءۇشىن، زاڭ جۇزىندە ناقتى قادامداردى قولعا الادى. مۇنداي ورنى تولماس قايعىلى وقيعالار قايتالانباۋى قاجەت»، - دەپ جازدى ۆەدومستۆو باسشىسىTwitter- دە.

سونداي-اق ونىڭ ايتۋىنشا، ءبىر ايدىڭ ىشىندە «وحوتزووپروم» مەكەمەسىنىڭ ينسپەكتورلارى براكونەرلەرمەن كۇرەسۋ بويىنشا تەوريالىق جانە پراكتيكالىق ارنايى وقۋدان وتەتىن بولادى.

بۇعان دەيىن م. مىرزاعاليەۆ براكونەرلەردىڭ قولىنان قازا تاپقان ينسپەكتوردىڭ جاقىندارىنا كوڭىل ايتىپ، ونىڭ وتباسىنا قاجەتتى كومەك كورسەتىلەتىنىن ءمالىم ەتكەن بولاتىن.

«قانىش نۇرتازينوۆتىڭ تۋىستارى مەن جاقىندارىنا ءوز اتىمنان جانە مينيسترلىك اتىنان قايعىرا كوڭىل ايتامىن. ينسپەكتوردىڭ ارتىندا قالعان بەس بالاسى مەن وتباسىنا بارلىق كومەك كورسەتىلەدى. مارقۇمنىڭ جەرلەۋ شارالارىن ءوز قولىمىزعا الامىز»، - دەدى ول.

سونداي-اق مينيستر جارالانعان ينسپەكتور سامات وسپانوۆتىڭ تەزىرەك ساۋىعىپ كەتۋىنە تىلەكتەستىك ءبىلدىردى.

بۇعان دەيىن حابارلاعانىمىزداي، 23- شىلدە كۇنى تاڭەرتەڭ «وحوتزووپروم «ءو ب» ر م ق ك ورتالىق وڭىرلىك فيليالىنىڭ ينسپەكتورلارى قانىش نۇرتازينوۆ پەن سامات وسپانوۆ اقمولا وبلىسىنىڭ جارقايىڭ اۋدانىندا كيىك اتۋ فاكتىسىن انىقتاپ، براكونەرلەردى ۇستاۋ بارىسىندا وق جاراقاتىن الدى. كەيىن، ولاردىڭ ءبىرى - 43 جاستاعى ق. نۇرتازينوۆ جەدەل جاردەم جەتكەنشە كوز جۇمدى. ال 44 جاستاعى ارىپتەسى جارقايىڭ اۋداندىق اۋرۋحاناسىنا جەتكىزىلدى.

ق. نۇرتازينوۆتىڭ ارتىندا ءتورت بالاسى قالدى. مەملەكەت باسشىسى قاسىم-جومارت توقايەۆ ينسپەكتوردىڭ وتباسىنا كوڭىل ايتتى.

فاكتى بويىنشا ق ر ق ك- ءنىڭ 99-بابى، 1-بولىگى بويىنشا قىلمىستىق ءىس قوزعالدى. ونى اشۋ ءىسىن ق ر ىشكى ىستەر ءمينيسترى جەكە باقىلاۋىنا الدى.

23- شىلدە كۇنى تۇنگە جۋىق اقمولا وبلىسى بويىنشا پوليتسيا دەپارتامەنتى قوس ينسپەكتورعا شابۋىل جاسادى دەگەن كۇدىكپەن ارقالىق قالاسىنىڭ تۇرعىندارى - اكەسى مەن بالاسى ۇستالعانىن ءمالىم ەتتى.