+7 (701) 759 90 19 Лента
28 °С : نۇر-سۇلتان
26 °С : الماتى
USD 386.34 EUR 427.25
RUB 5.88 CNY 54.57
جاڭالىقتار

رەسەي مەن قىتاي كورەيانىڭ اۋە كەڭىستىگىن بۇزدى - رەسمي سەۋل

23 شىلدە 21:51 86
:ءبولىسۋ

نۇر-سۇلتان. قازاقپارات – ءمالىم بولعانداي، بۇگىن تاڭەرتەڭ رەسەيدىڭ ءۇش جانە قىتايدىڭ ەكى ۇشاعى وڭتۇستىك كورەيا قۇزىرىنداعى اۋە كەڭىستىگىنە ەنگەن.

اتاپ ايتقاندا، رەسەي فەدەراتسياسىنا تيەسىلى ۇشاقتاردىڭ ءبىرى توكتا ايماعىنداعى قاتەرلى قاشىقتىقتا بولعان.

بۇنى ەستىگەن سىرتقى ىستەر مينيسترلىگى دەرەۋ وڭتۇستىك كورەياداعى رەسەي ەلشىسىنىڭ ورىنباسارى ماكسيم ۆولكوۆ پەن قىتاي ەلشىسى تسيۋ گوحۋندى شاقىرتىپ الادى.

يۋن سۋن- گۋ، وڭتۇستىك كورەيانىڭ ساياسي ماسەلەلەر جونىندەگى ءمينيستردىڭ ورىنباسارى:

- بۇگىن رەسەي ەلشىسىنىڭ ورىنباسارىن ەسكەرتۋسىز شاقىرۋىمىزدىڭ سەبەبى مىنادا - كورەيانىڭ اۋە قورعانىسى ايماعىنا رەسەيلىك ۇشاقتاردىڭ ەنۋىنە بايلانىستى قارسىلىق نوتاسىن ءبىلدىرىپ، الداعى ۋاقىتتا اۋە كەڭىستىگىندەگى زاڭ بۇزۋشىلىققا جول بەرمەيتىنىمىزدى اڭعارتقىمىز كەلەدى.

وسىلايشا كورەيا رەسەي فەدەراتسياسى قاۋىپسىزدىك كەڭەسىنىڭ حاتشىسى نيكولاي پاترۋشيەۆكە قارسىلىق نوتاسىن جىبەردى. رەسەيلىك قورعانىس مينيسترلىگى ءوز كەزەگىندە، زاڭ بۇزۋشىلىققا بوي الدىرماعانىن ايتادى. كەرىسىنشە، وڭتۇستىك كورەيانىڭ ەكى اسكەري جويعىشى رەسەيلىك ۇشاقتاردىڭ جولىن كەسىپ، قاۋىپسىز قوزعالىسىنا كەدەرگى كەلتىرگەن. الايدا، كورەيالىق ۇشاقتار ەسكەرتپە رەتىندە وق جاۋدىرعان جوق.

سونىمەن قاتار، رەسەي تارابىنىڭ پىكىرىنشە، كورەيانىڭ دەربەس اۋە كەڭىستىگى دەگەن ۇعىمدى سەۋلدىڭ ءوزى ويدان شىعارعان. ونى حالىقارالىق دەڭگەيدە ءالى ەشكىم رەسمي تۇردە مويىنداعان جوق. قىتاي ەلى دە وسىنداي پىكىردە.

حۋا چۋنين، قىتاي سىرتقى ىستەر مينيسترلىگىنىڭ رەسمي وكىلى:

- بەلگىلىسى مىناۋ، اۋە كەڭىستىگىنىڭ قۇزىرلى ايماعى تەرريتوريالدى شەكارا ەمەس، سوندىقتان كەز- كەلگەن مەملەكەتتىڭ ۇشاقتارى ءتيىستى زاڭعا سايكەس ول ايماقتان ەركىن ۇشىپ وتە الادى. ال مىنا ءبىر جاعدايعا بايلانىستى اسكەري ۆەدومستۆوعا حابارلاسىپ، ماسەلەنىڭ ءمان- جايىن بىلۋگە تىرىسامىز.

ءيا، ءۇش جاق تا بۇل ماسەلەنىڭ ءتۇپ- تامىرىن انىقتاپ، شەشۋ جولدارىن قاراستىراتىنى بەلگىلى. جاپون تەڭىزى ايماعىنداعى جاعىمسىز جاعداي رەسەيمەن اراداعى قاتىناسقا سىزات ءتۇسىرۋى ەكىتالاي. ساراپشىلار پىكىرى وسىعان سايادى.

الەكساندر ۆورونتسوۆ، ساراپشى:

«بۇل جاعداي ەكى ەلدىڭ اراقاتىناسىنا اسەرىن تيگىزبەيدى دەپ ويلايمىن. تاراپتار ديپلوماتيالىق جولمەن ورتاق مامىلەگە كەلەدى. قوس جاق تا قارىم- قاتىناستىڭ ۋشىققاننىن قالامايدى. سوندىقتان، بۇل جاعدايدىڭ بۇدان ءارى شيەلەنىسۋى مۇمكىن ەمەس».

وڭتۇستىك كورەيا اۋە كۇشى رەسەي ۇشاعىنا قاراي 360 رەت ەسكەرتۋ وعىن جاۋدىرعانىمەن، بۇل ەلمەن ديپلوماتيالىق قاتىناستى ساقتاپ قالۋعا تىرىسۋى مۇمكىن. الايدا كورەيالىقتار ءبىر نارسەنى ەسكەرمەدى. ولار توكتو دەپ اتايتىن ارالدار ايماعىن جاپونيا ءوزىنىڭ دەربەس تەرريتورياسى دەپ سانايدى. الدىمەن شەكارا ماسەلەسىن شەشپەي تۇرىپ، كورەيانىڭ وزىمشىلدىككە سالىنۋى ساياسي قاتەلىك دەپ بىلەدى كۇنشىعىس ەلىنىڭ بيلىگى.

يەسيحيدە سۋگا، جاپونيانىڭ مينيسترلەر كابينەتىنىڭ باس حاتشىسى:

- جاپونيانىڭ تاكەشيما ايماعىنداعى ەگەمەندىگى تۇرعىسىنان، وڭتۇستىك كورەيانىڭ اسكەري كۇشى وق اتقانىنا تۇبەگەيلى قارسىمىز. ونى اقىلعا قونىمسىز ارەكەت دەپ سانايمىز. سوندىقتان مۇنداي جاعدايدىڭ الدىن الۋ ءۇشىن وڭتۇستىك كورەياعا ءبىز دە قارسىلىق نوتاسىن جىبەرەمىز.

توكتو ارالدار توبى وڭتۇستىك كورەيا مەن كۇنشىعىس ەلىن بولەتىن جاپون تەڭىزىندە ورنالاسقان. ەكىنشى دۇنيەجۇزىلىك سوعىسىنان كەيىن ارالدار كورەيانىڭ يەلىگىنە ءوتتى. الايدا جاپونيا تارابى كورەيالىق ارالداردى زاڭسىز باسىپ الدى دەگەن پىكىردە. ءتىپتى ارالدىڭ ءبىر بولىگىن سيمانە پرەفەكتۋراسىنا قاراتىپ قويعان.

جەر داۋىن شەشۋ ءۇشىن جاپوندىقتار ب ۇ ۇ- نىڭ حالىقارالىق سوتىنا جۇگىنگىسى كەلەدى. الايدا وڭتۇستىك كورەيا بۇعان ىڭعاي بەرمەي تۇرعان سىڭايلى.

www.24.kz


باستى سوزدەر: الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات