تاباندىلىق پەن اقىل
كاسىپتەرى كۇندە ورمانعا بارىپ اعاش شابۋ بولىپتى.
ءبىرىنشى كىسى كۇن شىعۋىمەن اعاش شابۋدى باستاپ، كۇن باتقانشا تىنبايدى ەكەن.
ءتىپتى تىنىعىپ الۋ، تاماقتانۋعا دا ونشالىقتى ۋاقىت بولمەي تەك اعاش شابادى ەكەن.
ەكىنشىسى كۇندەگى ۋاقىتىندا كەلىپ، قاجەت كەزىندە تىنىعىپ، تۇسكى ۋاقىتتا اسىقپاي تاماقتانىپ، جۇمىس ىستەيدى جانە ۇيىنە ەرتە قايتادى ەكەن.
ايتسە دە ءبىرىنشى كىسىنىڭ تىنباي شاپقان اعاشتارىنىڭ كولەمى ەكىنشىسى كىسىنىڭ شاپقانىنان از شىعادى ەكەن.
ءبىر كۇنى الگى ءبىرىنشى وتىنشى كەلىپ: «وسى ءسىزدىڭ اسىقپاي، از ۋاقىتتا ىستەگەن جۇمىسىڭىز، مەنىڭ ەرتە كەلىپ كەش قايتىپ، تىنباي ىستەگەن جۇمىسىمنان اسىپ تۇسەدى. مۇنىڭ سىرى نەدە؟» دەپ سۇراعان ەكەن.
سوندا ول: «مۇنىڭ ەشقانداي سىرى جوق. مەن جۇمىس اراسىندا تىنىعىپ وتىرىپ، بالتامدى قايراپ الامىن، وتكىر بالتامەن جۇمىس تەزىرەك بىتەدى، ءارى شارشامايسىڭ. ال سەن وتپەس بالتامەن ءوزىڭدى دە، بالتانى دا شارشاتاسىڭ، ءارى ۋاقىت جوعالتاسىڭ» دەگەن ەكەن.
كاسىپكەرلىك ساباقتارىندا باتىل بولۋ، جىگەرلى، تاباندى بولۋ جەتىستىك كىلتتەرىنىڭ ءبىرى ەكەندىگى كوپ ايتىلادى. مۇنداعى ءبىرىنشى ادام ەڭبەكقور، تاباندى بولعانىمەن، بالتاسىن قايراماعاندىقتان جۇمىسىنىڭ ونىمدىلىگى از بولدى.
بۇل مىسالدان تاباندى بولۋمەن قاتار، سول تاباندىلىقتى اقىل-ويمەن باسقارۋ، ءاربىر كەدەرگى مەن ماسەلەلەردەن ساباق الۋ، اناليز جاساۋ، شەشىمىن تابۋ، قىسقاسى ءوزىڭدى جەتىلدىرۋ قاجەتتىگىن كورۋگە بولادى.
دەمەك ءار ادام ءوز سالاسىندا تاباندىلىق تانىتۋمەن قاتار ءوزىن جەتىلدىرە تۇسسە، قۇرال-جابدىعىن دا زامان اعىمىنا ساي شىڭداي بىلسە، تالاي اسۋلاردى باعىندىرارى انىق.