قىرعىز- تاجىك شەكاراسىنداعى جاعداي ۋشىعىپ تۇر: شەكاراشىعا وق ءتيدى

بىشكەك. قازاقپارات - قىرعىزستان مەن تاجىكستان شەكاراسىنداعى جاعداي ۋشىعىپ تۇر، دەپ حابارلايدى «قازاقپارات» ح ا ا كابار اگەنتتىگىنە سىلتەمە جاساپ.

قىرعىز رەسپۋبليكاسى مەملەكەتتىك شەكارا قىزمەتىنىڭ قوعاممەن جانە ب ا ق- پەن بايلانىس ءبولىمى حابارلاعانداي، شەكارا ماڭىندا تۇراتىن حالىقپەن ءتۇسىندىرۋ جۇمىستارىن وتكىزۋ كەزىندە تاجىكستان تاراپىنان قىرعىزستان ازاماتىنا ەكى رەت وق اتىلعان. سونىڭ سالدارىنان ق ر شەكارا قىزمەتىنىڭ اسكەري قىزمەتكەرى جارالاندى. كەزدەسۋگە قىرعىز رەسپۋبليكاسى مەملەكەتتىك شەكارا قىزمەتىنىڭ ءتوراعاسى ۋلاربەك شارشەيەۆ، قىرعىزستان بيلىگىنىڭ باتكەن وبلىسىنداعى وكىلەتتى وكىلى اكرام مادۋاماروۆ قاتىسقان.

شەكارا بولىمشەلەرى مەملەكەتتىك شەكارانىڭ اتالمىش اۋماعىندا قىزمەت اتقارۋدىڭ كۇشەيتىلگەن رەجيمىنە كوشىرىلدى.

يسفارا- ۆورۋح اۆتوجولىنداعى قوزعالىسقا شەكتەۋ قويىلدى. سونداي- اق، تاجىكستان ازاماتتارى يسفانا- باتكەن تاس جولىنداعى قوزعالىستى توقتاتتى.

بۇگىن، 2019 -جىلعى 23 - شىلدە كۇنى، قىرعىزستان مەن تاجىكستان ەلدەرىنىڭ شەكارا ۆەدومستۆولارى باسشىلارىنىڭ كەزدەسۋى وتەدى دەپ جوسپارلانعان.

ەسكە سالايىق، قىرعىز- تاجىك شەكاراسىنداعى كەزەكتى قاقتىعىس كەشە، 2019 -جىلعى 22 - شىلدەدە، شامامەن ساعات 17.30-دا ورىن العان ەدى.