+7 (701) 759 90 19
-8 °С : نۇر-سۇلتان
-2 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

جاۋاپكەرشىلىك جانە ونىڭ ومىردەگى ءرولى

23 شىلدە 20:10
:ءبولىسۋ
جاۋاپكەرشىلىك جانە ونىڭ ومىردەگى ءرولى

نۇر-سۇلتان. قازاقپارات - جاۋاپكەرشىلىك - ول تابىستى ادامنىڭ ماڭىزدى قاسيەتتەرىنىڭ ءبىر. ومىردە وزىنە تولىق جاۋاپكەرشىلىك العان ادام عانا جەتىستىككە جەتە الادى.

ادەتتە بالالاردى ەسەپتەمەگەندە بۇل قاسيەت بارلىق ەرەسەك ادامعا ءتان. سەبەبى بالالار ەسى كىرگەنگە دەيىن ءوزىنىڭ اتا-اناسىنا تاۋەلدى بولىپ كەلەدى. الايدا وكىنىشكە وراي، كەيبىر ەرەسەك ادامدار قاندايدا ءبىر قيىنشىلىقتارعا نەمەسە ساتسىزدىكتەرگە جولىققان كەزدە وزىنەن جاۋاپكەرشىلىكتى الىپ تاستاۋعا ۇمتىلىپ، ءتۇرلى سىلتاۋ ىزدەي باستايدى.

جاۋاپكەرشىلىكتەن قاشۋدىڭ مىسالدىق سوزدەرى مىناداي:

- ەگەر پالەنشە بولماعاندا...

- بالالار ماعان جۇمىس ىستەۋگە مۇمكىندىك بەرمەيدى...

- سەن مەنىڭ ءومىرىمدى بۇزدىڭ!

- تەك بايلاردىڭ عانا جولى بولادى ت. ب.

جەتىستىككە جەتۋ ءۇشىن ومىرىڭىزدە بولىپ جاتقان بار جاعدايلارعا جاۋاپكەرشىلىك الا ءبىلۋدى ۇيرەنۋ وتە ماڭىزدى. بۇل ءوز ارەكەتىڭىز نەمەسە نەمقۇرايلىعىڭىزعا عانا ەمەس، ءسىزدى قورشاعان جايتتار مەن ادامدارعا دا جاۋاپتى بولا ءبىلۋ دەگەندى بىلدىرەدى.

ماسەلەن، بالا توقساندى ۇزدىك باعالارعا اياقتادى دەلىك. ونىڭ اتا-اناسىن ماقتانىش سەزىمى بيلەيدى، ول ءبىرىنشى كەزەكتە دوستارىنىڭ الدىندا بالاسىنىڭ جەتىستىگىمەن ماقتانا الادى. ال ەگەر بالاسى توقساندى «ەكىلىكپەن» اياقتاسا، «اقىماق، اكەسىنە (اناسىنا) تارتىپ كەتكەن» دەيتىن سوزدەر شىعادى.

نەگە ءبىز جەتىستىكتەردى ارەكەتىمىزدىڭ جەمىسى تۇرىندە كورەمىز(وعان ءبىزدىڭ قاتىسىمىز بولسا دا، بولماسا دا)، ال ساتسىزدىكتەردى بىرەۋگە جۇكتەي سالۋعا دايىن تۇرامىز؟ نەگە؟ وزگەنىڭ الدىندا «جاقسى» بولىپ كورىنۋ ءۇشىن بە؟

ارينە «جاقسى» بولىپ كورىنگىمىز كەلەدى، ءبىراق ول ءۇشىن بالانىڭ تىرلىگىن دوعارىپ، ومىردە بولىپ جاتقان بارلىق نارسەنىڭ جاۋاپكەرشىلىگىن ءوز مويىنمىزعا الۋىمىز كەرەك، سوندا عانا جەتىستىك شىن مانىندە ورىندى بولادى، ال ءومىر جولىندا كەزدەسەتىن ساتسىزدىكتەردەن ساباق الا باستايسىز جانە الداعى ۋاقىتتا ولارعا جول بەرمەۋگە تىرىساسىز.

وسىلايشا ساتسىزدىكتەردىڭ سانى ازايىپ، جەتىستىكتىڭ سانى ارتا بەرەدى. سوندا ومىردە شىنايى جەڭىمپازعا اينالاسىز!


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات