+7 (701) 759 90 19 Лента
20 °С : نۇر-سۇلتان
19 °С : الماتى
USD 386.34 EUR 427.25
RUB 5.88 CNY 54.57
جاڭالىقتار

سۋپەر كاسىپكەر قالاي پايدا بولادى؟

23 شىلدە 19:52 56
:ءبولىسۋ
سۋپەر كاسىپكەر قالاي پايدا بولادى؟

نۇر-سۇلتان. قازاقپارات - انگليانىڭ (Centre for Policy Studies) ساياساتتىق زەرتتەۋ ورتالىعى «سۋپەر كاسىپكەر قالاي پايدا بولادى؟» دەگەن تاقىرىپپەن زەرتتەۋ جۇرگىزىپ، ەشقانداي مۇراعا قارق بولماستان، نولدەن، ياعني كەدەي حالدەن الەمدىك دەڭگەيدە ميللياردەر جاعدايعا جەتكەن كاسىپكەرلەردىڭ ورتاق ەرەكشەلىكتەرىن انىقتاپ جازدى.

زەرتتەۋ بويىنشا سۋپەر كاسىپكەرلەر رەتىندە كورسەتىلگەن بۇل ادامدارداعى ەڭ باستى قاسيەت بويىندا كاسىپكەرلىك رۋحىنىڭ بولۋى ەكەن. بۇعان قوسا وزىنە دەگەن سەنىمدىلىك، العا ۇمتىلىس، ساتسىزدىكتەرگە، كەلەڭسىزدىكتەرگە تاپ بولعاندا ءتوزىپ، ونى جەڭە الۋ ءوز كۇشىمەن ميللياردەر بولعان ادامداردا ءجيى كەزدەسەتىن ەرەكشەلىك ەكەندىگى اتالعان.

زەرتتەۋدە تاعى سۋپەر كاسىپكەر بولۋ ءۇشىن ءبىلىم قاجەتتىلىگى ايتىلعان.

زەرتتەۋ بويىنشا ا ق ش-تىق سۋپەر كاسىپكەرلەردىڭ %16 عانا جوعارى ءبىلىم الماعان ەكەن. قالعاندارى ەلدىڭ ەڭ الدىڭعى قاتارلى ءبىلىم وردالارىن تامامداعان. سونداي-اق سۋپەر كاسىپكەر بولۋ ءۇشىن ادامدا باي بولۋ، تابىستى بولۋ قۇلشىنىسى بولۋ قاجەتتىگىنە توقتالعان.

سۋپەر كاسىپكەرلەر اقپاراتتىق تەحنولوگيا (IT)، بيوتەحنولوگيا، قارجى جانە ساۋدا سالالارىندا كوبىرەك كەزدەسەتىنى ايتىلعان.

بۇل سالالاردا مەملەكەت تاراپىنان بولىنەتىن بيۋدجەت، باسقا سالالارعا قاراعاندا اۋقىمدى بولاتىن كورىنەدى. زەرتتەۋ بويىنشا بيۋروكراتيالىق ۇردىستەرى كوپ قينامايتىن جانە سالىق مولشەرى تومەن بولعان ەلدەردە سۋپەر كاسىپكەرلىك جىلدام ورلەيتىنى اتالعان.

سۋپەر كاسىپكەرلەردىڭ بەلسەندىلىگى، تابىسى مەن جاڭالىقتارى ءوز ەلى ءۇشىن دە قوساتىن ۇلەسى تۇرعىسىنان ماڭىزى جوعارى بولىپ تابىلادى. زەرتتەۋگە 1996 مەن 2010 -جىلدار ارالىعىندا فوربس جۋرنالىنىڭ تىزىمىنە ەنگەن جانە نولدەن ميللياردەر دەڭگەيگە جەتكەن 1000 ادام الىنعان. بۇلاردىڭ كوپشىلىگى اۋەل باستا داياشى، ىدىس جۋۋشى، جانارماي قۇيۋشى، ۇيلەردى ارالاپ ءونىم ساتۋشى، گازەت ساتۋشىسى سەكىلدى ارزىماعان جالاقىعا جۇمىس ىستەگەن ادامدار ەكەن.

كەدەيلىكتەن ميللياردەرلىككە

يان كۋم (Jan Koum)

الەمگە ايگىلى «WhatsApp» جەلىسىنىڭ قۇرۋشىسى، فيرماسى «Facebook» تاراپىنان ساتىپ الىنعاننان كەيىن ميلليارد دوللارلىق داۋلەتكە يە بولدى. ايتسە دە يان كۋم ۋكراينادان 16 جاسىندا كەلگەنىندە قايىرىمدىلىق رەتىندە تاراتىلاتىن ازىقپەن قورەكتەنىپ، كەدەي كۇننەن كوتەرىلگەن جانداردىڭ ءبىرى ەكەن.

كەنني تراۋتت (Kenny Troutt)

ا ق ش- تىڭ تەلەكوممۋنيكاتسيا سالاسىنداعى ەڭ ءىرى كومپانيالارىنىڭ ءبىرى سانالاتىن «Excel Communication»- نىڭ نەگىزىن قالاۋشىسى. كەنني تراۋتت ستۋدەنت كەزىندە ساقتاندىرۋ پوليسىنىڭ ساتۋشىسى بولىپ جۇمىس ىستەگەن. قازىرگى تاڭداعى ءال- اۋقاتى 1,7 ميلليارد دوللاردى قۇرايدى.

گوۆارد شۋلتس (Howard Schultz)

الەمدەگى ەڭ ۇلكەن كوفە جەلىسى «Starbucks»-تىڭ اتقارۋشى ديرەكتورى شۋلتس وتە كەدەي وتباسىندا وسكەن. ۋنيۆەرسيتەتكە فۋتبول گرانتى ارقىلى تۇسكەن بولاتىن. ول كەزدە ءالى 60 قانا جەلىدەن تۇراتىن Starbucks-تا جۇمىس ىستەۋدى باستاپ، الەمدىك دەڭگەيگە كوتەردى. قازىرگى تاڭدا جەكە تابىسى 2 ميلليارد دوللار.

كەننەت لانگون (Ken Langon)

ا ق ش-تىق كاسىپكەر كەننەت لانگون جاس شاعىندا كافەدە جۇمىسشى بولىپ جانە سانتەحنيك بولىپ جۇمىس ىستەگەن ەكەن. قازىرگى جەتىستىگى 2,1 ميلليارد دوللار.

وپرا ۋينفري (Oprah Winfrey)

ا ق ش-تىق مەديا سالاسىنداعى ەڭ جوعارى رەيتينگتەگى تەلەجۇرگىزۋشىلەردىڭ ءبىرى وپرا ۋينفري ميسسيسيپيدە كەدەي وتباسىندا دۇنيەگە كەلگەن ەكەن. ءوز كۇشىمەن ۋنيۆەرسيتەتكە تۇسكەن ول 19 جاسىندا كوگىلدىر ەكرانعا شىققان العاش افرو- امەريكاندىق تەلەجۇرگىزۋشى رەتىندە تانىلدى. قازىرگى تاڭدا 2,9 ميللياردتىق جيعانى بار.

شاحيد حان (Shahid Khan)

اۆتويندۋستريا سالاسىنداعى ەڭ ءىرى قوسالقى بولىك ءوندىرۋشىسى «Flex-N-Gate» كومپانياسىنىڭ نەگىزىن قالاۋشىسى پاكيستاندىق شاحيد حان ەلىنەن امەريكاعا العاش كەلگەنىندە ساعاتىنا 1 دوللارلىق جالاقىعا ىدىس جۋىپ باستاعان ەكەن. قازىرگى تاڭداعى داۋلەتى 3,8 ميللياردتى قۇرايدى.

دجون پول دەدجوريا (John Paul DeJoria)

ەڭبەك جولىن ەسىك قاعىپ شامپۋن ساتۋدان باستاپ، كەيىن گازەت ساتقان دجون پول، قازىرگى تاڭدا «John Paul Mitchell Systems» اتتى الىپ كومپانيانىڭ يەگەرى. بايلىعى 4 ميلليارد دوللار.

دو ۆون چانگ (Do Won Chang)

ا ق ش- تىڭ ايەل كيىمدەرى تۇرعىسىنداعى ەڭ بەدەلدى برەندتەردى ءبىرى «Forever 21» ماركاسىنىڭ قوجايىنى. دو ۆون چانگ جۇبايىمەن ا ق ش-قا العاش كەلگەن كەزىندە جانارماي بەكەتىندە، كافەدە جۇمىس ىستەپ باستاعان ەكەن. قازىرگى تاڭدا 5 ميلليارد دوللارلىق جەتىستىگى بار.

رالف لورەن (Ralph Lauren)

تەكستيل سالاسىنداعى الپاۋىتتاردىڭ ءبىرى «Ralph Lauren» برەندىن قۇرۋدان بۇرىن، تەكستيل فابريكاسىندا قاراپايىم جۇمىسشى بولىپ ىستەگەن ەكەن. قازىر 7,7 ميلليارد دوللارلىق داۋلەتكە يە.

فرانسۋا پينو (Francois Pinault)

« Gucci»، «Stella McCartney»، «Alexander McQueen» جانە «Yves Saint Laurent» سەكىلدى ءىرى برەندتەردىڭ قوجايىنى فرانسۋز ميللياردەرى فرانسۋا پينو مەكتەپتە وقىپ جۇرگەنىندە كەدەيلىگى ءۇشىن سىنىپتاستارىنىڭ مازاقتاي بەرۋىنە شىداي الماي، مەكتەپتەن شىعۋعا ءماجبۇر بولعان ەكەن. ال قازىر 15 ميللياردتىق جيعانى بار.

لەوناردو دەل ۆەككيو (Leonardo Del Vecchio)

«Ray-Ban» جانە «Oakley» سەكىلدى بۇكىل دۇنيە جۇزىندە ميلليونداعان ادامداردىڭ تاعىپ جۇرگەن كوزىلدىرىك ءوندىرۋشىسى لەوناردو دەل ۆەككيو جەتىمدەر ۇيىندە وسكەن ەكەن. كەيىنننەن زاۆودتا ىستەپ ءجۇرىپ ءبىر ساۋساعىنان ايرىلادى. قازىر 15,3 ميللياردتىق داۋلەتى بار.

دجوردج سوروس (George Soros)

جاھاندىق ەكونوميكانىڭ ەڭ ايگىلى ينۆەستورلارىنان سانالاتىن دجوردج سوروس، جاس كۇنىندە فاشيستتەردىڭ ماجارستانعا شابۋىلى كەزىندە لوندونعا قاشادى. انگليادا كەدەيشىلىك ىشىندە وسكەن سوروس قازىرگى تاڭدا 20 ميللياردتىق داۋلەتتىڭ يەسى.

لي كاشين (Li Ka-shing)

ازيالىق يندۋستريا سالاسىنىڭ الپاۋىتى «Cheung Kong Industries» - تىڭ باسشىسى لي كاشين 15 جاسىندا اكەسىنىڭ قايتىس بولۋىنان كەيىن وتباسىن اسىراۋ ءۇشىن ساباعىن توقتاتۋعا ءماجبۇر بولادى. ال قازىر 31 ميللياردتىق داۋلەتى بار.

لارري ەلليسون (Larry Ellison)

«Oracle» كومپانياسىنىڭ باسشىسى لارري ەلليسون ءوزىن اسىراپ العان اناسى قايتىس بولعانىنان كەيىن ساباعىن تاستاپ سەگىز جىل بويى ءتۇرلى سالالاردا جۇمىس ىستەيدى. قازىر 41 ميللياردتىق داۋلەتكە يە.


باستى سوزدەر: ةكونوميكا, الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات