قارتايمايتىن باكتەريا
2009 -جىلى وسى جاڭالىقتى اشقان عىلىمي توپتىڭ جەتەكشىسى مگۋ پروفەسسورى اناتولي برۋشكوۆ 4 جىل بويى جۇرگىزگەن زەرتتەۋلەرىندە باكتەريانىڭ جاسۋشالاردى جاسارتاتىن جانە يممۋنيتەتتى قۋاتتاندىراتىن ەرەكشەلىكتەرى بارىن انىقتادى.
2012 -جىلى جاساعان زەرتتەۋلەرىندە لاباراتوريالىق تىشقانداردى تەستىلەۋ ارقىلى بۇل مالىمدەمەسىنىڭ دۇرىس ەكەنىن دالەلدەگەن برۋشكوۆ 3 جىل بۇرىن باكتەريانى وزىنە سىناپ كورىپتى. اقپارات قۇرالدارىنا بەرگەن سۇحباتىندا اناتولي برۋشكوۆ وزىنە جاساعان زەرتتەۋىنىڭ اسەرىن بىلاي باياندايدى:
«باكتەريانى قابىلداعاننان كەيىن بۇرىڭعىداي شارشامايتىن بولدىم. كوبىرەك جۇمىس ىستەي باستادىم. سوڭعى ەكى جىلدا اۋىرۋ بىلاي تۇرسىن، ءتىپتى تۇماۋعا دا شالدىقپادىم. ءبىراق بۇل مەنى قىزىقتىراتىن ناتيجە ەمەس دەپ ويلايمىن. ەگەر ءبىز بۇل ەرەكشە كلەتكانىڭ مەحانيزمىن، قالايشا قارتايمايتىنىن انىقتاي الساق، مىنە سوندا بۇل رەسۋرستاردى دۇرىس قولدانىپ، ءومىر جاستى مەيلىنشە ۇلعايتۋعا باعىتتار ەدىك.»
برۋشكوۆ ياكۋتياداعى جەرگىلىكتى حالىقتىڭ ۇزاق ءومىر ءسۇرۋىنىڭ سىرى وسى باكتەريالاردا دەپ سانايدى. ەرىگەن، سىنعان مۇزدىقتاردان شىققان باكتەريالار قورشاعان ورتاعا تارالىپ، سۋ، كولدەر، سۋ جەلىلەرى ارقىلى جەرگىلىكتى حالىققا ءونىمدى اسەر ەتەتىندىكتەن بۇل باكتەريالاردىڭ پايداسى بولماسا زيانى جوقتىعىن ەسەپتەيتىنىن مالىمدەدى.