+7 (701) 759 90 19
8 °С : نۇر-سۇلتان
9 °С : الماتى
USD 389.62 EUR 429.98
RUB 6.06 CNY 55.08
جاڭالىقتار

پرەزيدەنتتىڭ ۇكىمەتكە سەنىمىن تولىعىمەن اقتاۋىمىز كەرەك - اسقار مامين

23 شىلدە 12:28
:ءبولىسۋ
پرەزيدەنتتىڭ ۇكىمەتكە سەنىمىن تولىعىمەن اقتاۋىمىز كەرەك - اسقار مامين

نۇر-سۇلتان. قازاقپارات – ق ر پرەمەر-ءمينيسترى اسقار مامين مەملەكەتتىك ورگاندار، ۇلتتىق حولدينگتەر ينۆەستيتسيالار تارتۋ بويىنشا جۇمىستى بەلسەندى تۇردە جۇرگىزۋى كەرەكتىگىن تاپسىردى، دەپ حابارلايدى قازاقپارات ءتىلشىسى.

«ق ر پرەزيدەنتى قاسىم-جومارت توقايەۆ حالىقتىڭ ءال-اۋقاتىن جانە جالپى ەكونوميكانى جاقسارتۋعا باعىتتالعان ءبىرقاتار تاپسىرمالار بەردى. مەملەكەت باسشىسى اتاپ وتكەندەي، ۇكىمەتتىڭ قازىرگى جانە الداعى باستى مىندەتتەرى حالىقتىڭ ءومىر ءسۇرۋ ساپاسى مەن تابىسىن ارتتىرۋعا، جاڭا جۇمىس ورىندارىن اشۋعا، ينۆەستيتسيالار تارتۋعا نەگىزدەلگەن. بارلىق مەملەكەتتىك ورگاندار، ۇلتتىق حولدينگتەر مەن اكىمدىكتەر ينۆەستيتسيالار تارتۋ بويىنشا جۇمىستى بەلسەندى تۇردە جۇرگىزۋى ءتيىس»، - دەدى ا. مامين ۇكىمەت وتىرىسىندا.

ونىڭ ايتۋىنشا، وسى رەتتە مەملەكەت تاراپىنان قاجەتتى قولداۋ شارالارى قابىلدانىپ، ينۆەستيتسيالىق احۋالدى جاقسارتۋ قاجەت.

«الەۋمەتتىك سالانى دامىتۋ ماقساتىندا ءبىرقاتار ناقتى شارالار قولعا الىندى. سونىڭ ىشىندە مۇقتاج ادامدارعا الەۋمەتتىك قولداۋ كورسەتۋدىڭ ناقتى ءارى اشىق راسىمدەرى بەلگىلەنەدى. ءبىلىم بەرۋ سالاسىندا ءبىلىم جانە عىلىمدى تولىعىمەن قارجىلاندىرۋ بويىنشا ءىس-قيمىل جوسپارى ازىرلەنەدى»، - دەدى پرەمەر-مينيستر.

سونىمەن قاتار ۇكىمەت باسشىسى پرەزيدەنتتىڭ تاپسىرمالارىن ورىنداۋعا ارنالعان جوسپاردى ساپالى ىسكە اسىرۋ كەرەكتىگىن تاپسىردى.

«پرەزيدەنت ۇكىمەت جۇمىسىنا سەنىم ءبىلدىرىپ، ۇكىمەت پەن اكىمدىكتەر الدىنا ماڭىزى ۇلكەن مىندەتتەر قويدى. بۇل - ۇلكەن جاۋاپكەرشىلىك. سوندىقتان ءبىز وسى سەنىمدى تولىعىمەن اقتاۋىمىز كەرەك. مەملەكەت باسشىسىنىڭ بارلىق تاپسىرمالارىن ورىنداۋ ماقساتىندا ءتيىستى ءىس-شارالار جوسپارى ازىرلەندى. جوسپاردى تولىقتاي ءارى ساپالى ورىنداۋىمىز كەرەك»، - دەدى اسقار مامين.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات