رەسەي عالىمدارى ايدىڭ ارعى بەتىن بۇرعىلاۋدى ۇسىندى
«ءبىز جاڭا بۋىندى بۇرعىلاۋ قوندىرعىسىنىڭ نۇسقاسىن ازىرلەپ جاتىرمىز. بۇل 80 كەلىگە جۋىق شاعىن قۇرىلعى. وسىنداي بۇرعىلاۋ ارقىلى ءبىز ايدىڭ بۇكىل بەتىندە جىنىستىڭ توسەلەتىن اي توپىراعىنىڭ تەرەڭدىگىنە قول جەتكىزە الامىز. ەگەر وسىنداي بۇرعىلاۋ ارقىلى ايدىڭ ارعى جاعىنان ۇلگىلەردى الساق، گازداردىڭ توپىراق بولشەكتەرىنىڭ قۇرامى بويىنشا ايدىڭ ءوز ءوسىنىڭ اينالاسىندا قاشاننان باستاپ اينالعانىن جانە جەرگە قاشاننان باستاپ ءبىر جاعىمەن عانا قاراپ تۇرعانىن انىقتاي الامىز»، - دەدى سليۋتا.
بۇدان باسقا، عالىمدار اي بەتىنە سەيسميكالىق مونيتورينگتىڭ 8-10 اۆتوماتتى ستانتسيالارىنان تۇراتىن تىرەك جەلىسىن ورنالاستىرۋ جوباسىن ۇسىندى.
«بۇل سەيسمومەترمەن، ماگنيتومەترمەن، گراۆيمەترمەن، 5 مەترگە دەيىنگى تەرەڭدىكتە توپىراقتىڭ ەلەكتر ماگنيتتىك قاسيەتتەرى مەن تەمپەراتۋراسىن ولشەۋگە ارنالعان تەرەڭدىك زوندپەن جانە لازەرلىك ناۆيگاتسياعا ارنالعان بۇرىش شاعىلىستىرعىشىمەن 50 كەلىگە جۋىق شاعىن كونتەينەر تۇرىندەگى اۆتونوم عىلىمي ستانتسيالار»، - دەدى ول.
قىتاي ءوزىنىڭ قوندىرۋ اپپاراتىن ايدىڭ ارعى بەتىنە جىبەرگەن العاشقى ەل بولدى. 2019-جىلدىڭ 3- قاڭتارىندا كراتەردىڭ تۇبىنە «چانە-4» اپپاراتى ءساتتى قونعان.
Kaz.tengrinews.kz