+7 (701) 759 90 19 Лента
19 °С : نۇر-سۇلتان
15 °С : الماتى
USD 386.82 EUR 428.67
RUB 5.86 CNY 54.95
جاڭالىقتار

تۇتىنۋشىلىق نەسيە بەرۋ تارتىبىنە وزگەرىستەر ەنگىزىلمەك

23 شىلدە 11:55 42
:ءبولىسۋ
تۇتىنۋشىلىق نەسيە بەرۋ تارتىبىنە وزگەرىستەر ەنگىزىلمەك

نۇر-سۇلتان. قازاقپارات - ازاماتتاردىڭ بەرەشەگىنىڭ باقىلاۋسىز ءوسۋىن شەكتەۋ ماقساتىندا وسى جىلدىڭ سوڭىنا دەيىن كرەديتتىك سەرىكتەستىكتەردى جانە لومباردتاردى رەتتەۋ بويىنشا نورماتيۆتىك-قۇقىقتىق اكتىلەر قابىلدانادى.

بۇگىن ۇكىمەت وتىرىسىندا ق ر ۇلتتىق بانكى ءتوراعاسى ەربولات دوسايەۆ وسىلاي ءمالىم ەتتى، دەپ حابارلايدى قازاقپارات ءتىلشىسى.

ە. دوسايەۆ ۇلتتىق بانك بەكىتكەن، كەپىلسىز تۇتىنۋشىلىق كرەديتتەر بويىنشا ەسەپتەلگەن ايىپپۇلدار مەن ءوسىمپۇلداردى 30- شىلدەگە دەيىن ەسەپتەن شىعارۋ مەحانيزمىنە سايكەس، بانكتەر مەن ميكروقارجى ۇيىمدارى ەسەپتەلگەن تۇراقسىزدىق ايىبى بويىنشا بەرەشەكتى كەشىرۋدى جۇزەگە اسىراتىنىن حابارلادى.

«بانكتەر، ميكروقارجى ۇيىمدارى جانە پروبلەمالىق كرەديتتەر قورى اراسىندا ەسەپتەن شىعارىلعان ايىپپۇلدار مەن ءوسىمپۇلداردىڭ ءبىر بولىگىن وتەۋ تۋرالى كەلىسىم جاسالعان سوڭ، 20- تامىزعا دەيىن قوردان بانكتەرگە جانە ميكروقارجى ۇيىمدارىنا ايىپپۇلدار مەن ءوسىمپۇلدار بويىنشا كەشىرىلگەن بەرەشەكتىڭ %30 ىن وتەيدى. وسىدان كەيىن، ۇلتتىق بانك ءوزىنىڭ باقىلاۋ-قاداعالاۋ فۋنكسيالارىن جۇزەگە اسىرۋ شەڭبەرىندە ەسەپتەلگەن ايىپپۇلدار مەن ءوسىمپۇلداردى كەشىرۋ بويىنشا بانكتەر مەن ميكروقارجى ۇيىمدارى جۇرگىزگەن راسىمدەردى تەكسەرەدى»، - دەپ ءتۇسىندىردى ۇ ب باسشىسى.

ونىڭ سوزىنە قاراعاندا، جۇيەلىك پروبلەمالاردى جانە بولاشاقتا ازاماتتاردىڭ بەرەشەگىنىڭ باقىلاۋسىز ءوسۋىن شەكتەۋ ماقساتىندا وسى جىلدىڭ سوڭىنا دەيىن ۇلتتىق بانك كرەديتتەۋ سۋبەكتىلەرىن، ونىڭ ىشىندە ونلاين-كرەديتورلاردى، كرەديتتىك سەرىكتەستىكتەردى جانە لومباردتاردى رەتتەۋ ماسەلەلەرى بويىنشا قاجەتتى نورماتيۆتىك-قۇقىقتىق اكتىلەر قابىلدايدى.

ول «بانكتەر مەن بانكتىك قىزمەت تۋرالى» زاڭعا جانە «ميكروقارجىلىق ۇيىمدار تۋرالى» زاڭعا 90 كۇننەن استام مەرزىمى وتكەن بەرەشەگى بار قارىزدارعا تۇراقسىزدىق ايىبىن، كوميسسيالاردى جانە وزگە دە تولەمدەر ەسەپتەۋگە تىيىم بەلگىلەۋ بويىنشا تۇزەتۋلەر ەنگىزىلەتىنىن ايتتى. بۇل تۇزەتۋلەردى ۇلتتىق بانك پارلامەنتتىڭ قاراۋىنا اعىمداعى جىلعى قىركۇيەكتە ەنگىزەدى.

«ازاماتتاردىڭ بورىشتىق جۇكتەمەسىنىڭ كوەففيتسيەنتىن ەسەپتەۋ كەزىندە قارىز بەرۋ كەزىندە قارىز الۋشىنىڭ بارلىق مىندەتتەمەلەرى، ونىڭ تولەم قابىلەتتىلىگى جانە الەۋمەتتىك مارتەبەسى ەسەپكە الىناتىن بولادى. ماسەلەن، بورىشتىق جۇكتەمە كوەففيتسيەنتىنىڭ شەكتى مولشەرىن ەسەپتەۋ كەزىندە وتباسىنىڭ كامەلەتتىك جاسقا تولماعان ءاربىر مۇشەسىنە تيەسىلى ەڭ تومەنگى كۇنكورىس مولشەرى شەگەرىلەتىن بولادى. پرۋدەنتسيالىق رەتتەۋ اياسىندا كەپىلسىز تۇتىنۋشىلىق كرەديتتەر بەرۋ كەزىندەگى بانكتەردىڭ مەنشىك كاپيتالىنا قويىلاتىن تالاپتار كۇشەيەدى. بۇل شەكتەن تىس كرەديت بەرۋ ساياساتىنىڭ الدىن الۋعا باعىتتالعان»، - دەدى ە. دوسايەۆ.

ە. دوسايەۆ اتاپ وتكەندەي، زاڭ اياسىنداعى اكتىلەرگە ءتيىستى تۇزەتۋلەردى ۇلتتىق بانك اعىمداعى جىلعى قىركۇيەكتە قابىلدايتىن بولادى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات