فرانسيانىڭ جارتى عاسىر بۇرىن ۇشتى-كۇيلى جوعالعان سۇڭگۋىر كەمەسى تابىلدى
ەندى ونىڭ باتىپ كەتۋىنە نە سەبەپ بولعانىن انىقتاۋ مۇمكىندىگى تۋدى.
ديزەلدى-ەلەكترلى «مينەرۆا» سۇڭگۋىر كەمەسى 1968-جىلعى 27- قاڭتاردا جەرورتا تەڭىزىنە باتىپ كەتكەن. سۇڭگۋىر اپاتقا ۇشىراعان كەزدە وندا 52 ادام بولعان.
فرانسۋز عالىمدارى مەن اسكەريلەرى سۇڭگۋىر كەمەنى ىزدەپ تابۋدىڭ بار قارەكەتىن جاسادى. ءبىراق وسىعان دەيىنگى ەكسپەديتسيالاردىڭ بىردە-ءبىرى ناتيجە بەرگەن جوق.
2019-جىلى جاڭا ميسسيا قولعا الىندى. الدىمەن فرانسيا اسكەري-تەڭىز كۇشتەرى جانە Ifremer مۇحيتتانۋ ينستيتۋتى وكىلدەرىنىڭ قاتىسۋىمەن ىزدەۋ جۇمىستارى جۇرگىزىلدى. كەيىن ولارعا امەريكانىڭ Ocean Infinity جەكەمەنشىك كومپانياسى قوسىلدى.
فرانسيا قورعانىس ءمينيسترى فلورانس پارلي سۋبمارينانىڭ تابىلعانىن مالىمدەدى. ونىڭ ايتۋىنشا، بۇعان زاماناۋي باسقارۋشىسىز اپپاراتتاردىڭ ارقاسىندا قول جەتكىزىلگەن.