+7 (701) 759 90 19 Лента
19 °С : نۇر-سۇلتان
15 °С : الماتى
USD 386.82 EUR 428.67
RUB 5.86 CNY 54.95
جاڭالىقتار

قۇرىلىس قۇجاتتارىن ازىرلەۋگە ارنالعان شىعىستار قىسقارتىلادى - ءاليحان سمايىلوۆ

23 شىلدە 10:36 34
:ءبولىسۋ
قۇرىلىس قۇجاتتارىن ازىرلەۋگە ارنالعان شىعىستار قىسقارتىلادى - ءاليحان سمايىلوۆ

نۇر-سۇلتان. قازاقپارات - ينۆەستيتسيالىق جوبالارعا بولىنەتىن بيۋجەتتىك شىعىستار 1,4 تريلليون تەڭگەگە جەتتى.

بۇل تۋرالى ۇكىمەت وتىرىسىندا ق ر پرەمەر-ءمينيسترىنىڭ ءبىرىنشى ورىنباسارى- قارجى ءمينيسترى ءاليحان سمايىلوۆ ءمالىم ەتتى، دەپ حابارلايدى قازاقپارات ءتىلشىسى.

اعىمداعى جىلدىڭ جەلتوقسانىندا وڭىرلەردەگى مەملەكەتتىك-جەكەشەلىك ارىپتەستىك جوبالارى بويىنشا مونيتورينگ جۇيەسى ەنگىزىلەدى. ينۆەستيتسيالار مەن مىندەتتەمەلەر اراسىنداعى تەڭگەرىم، م ج ءا مىندەتتەمەلەرىنىڭ ليميتىن جانە وتەلۋىن باقىلاۋ، ناتيجەلىلىكتى باقىلاۋ ەسكەرىلەتىن بولادى. مەملەكەتتىك ورگانداردىڭ ۆەدومستۆولىق باعىنىستى ۇيىمدارىنىڭ شىعىستارىن قىسقارتۋ جانە قاراجاتىن ۇنەمدەۋ باعىتىندا ريەۆيزيا جۇرگىزىلەدى. تالداۋ قورىتىندىلارى بويىنشا 402 ميلليارد تەڭگەگە 173 مەملەكەتتىك تاپسىرمانىڭ ىشىنەن جۇمىستار مەن قىزمەتتەر تىزبەسىنەن جالپى سوماسى 38 ميلليارد تەڭگەگە 68 تاپسىرمانى مەملەكەتتىك ساتىپ الۋعا اۋىستىرۋ جولىمەن الىپ تاستاۋ ۇسىنىلادى»، - دەدى ءا. سمايىلوۆ.

ونىڭ سوزىنە قاراعاندا، ينۆەستيتسيالىق جوبالارعا بولىنەتىن بيۋجەتتىك شىعىستار 1,4 تريلليون تەڭگەنى قۇرادى.

«وسى قاراجاتتى ءتيىمدى پايدالانۋ ءۇشىن ۇلگىلىك جوبالاردى مىندەتتى تۇردە پايدالانا وتىرىپ، قۇرىلىس كەزىندە جوبالاردىڭ ءبىرىڭعاي بانكىن قۇرۋ ۇسىنىلادى. بۇل جوبالاۋ-سمەتالىق قۇجاتتاما مەن تەحنيكالىق-ەكونوميكالىق نەگىزدەمە ازىرلەۋگە ارنالعان شىعىستاردى %30 كە دەيىن نەمەسە 13 ميلليارد تەڭگەگە، ال قۇرىلىس مەرزىمىن 6-9 ايعا دەيىن قىسقارتۋعا مۇمكىندىك بەرەدى. بۇل ءۇشىن زاڭناماعا وزگەرىستەر ەنگىزۋ قاجەت»، - دەدى ۇكىمەت باسشىسىنىڭ ءبىرىنشى ورىنباسارى.


:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات