التاي كولگىنوۆ: قوعاممەن بايلانىستى جۇيەلى جۇرگىزۋدى باستايمىز
«مەملەكەت باسشىسى قاسىم-جومارت كەمەل ۇلىنىڭ حالىقپەن كەرى بايلانىستى كۇشەيىپ، اشىقتىقتى قامتاماسىز ەتۋ تۋرالى تاپسىرماسىنا سايكەس، نۇر-سۇلتان قالاسى اكىمدىگى قوعاممەن بايلانىستا جۇيەلى جۇمىس جۇرگىزۋدى باستايدى»، - دەپ جازدى نۇر-سۇلتان قلاسىنىڭ اكىمى التاي كولگىنوۆ ءوزىنىڭ Instagram پاراقشاسىندا.
ونىڭ ايتۋىنشا، بۇگىندە اكىمدىكتىڭ ءبىرىنشى قاباتىنداعى باسپا ءسوز-ورتالىعى قالپىنا كەلتىرىلدى.
«ەندى باسقارما باسشىلارى، اۋدان اكىمدەرى، قالا اكىمىنىڭ ورىنباسارلارى وزدەرىنىڭ سالاسى بويىنشا بەكىتىلگەن كەستەگە سايكەس تۇراقتى تۇردە باسپا ءسوز-كونفەرەنتسيا وتكىزىپ تۇرادى.
وسى اپتادا جاڭا وقۋ جىلىنا دايىندىق، ءداستۇرلى «مەكتەپكە جول» اكسياسىنا ازىرلىك، جۇمىسپەن قامتۋ، تۇرعىن ءۇي باعدارلامالارى بويىنشا بريفينگتەر ءوتىپ، ماماندار جۋرناليستەردىڭ سۇراعىنا جاۋاپ بەرەدى»، - دەدى ول.
سونداي-اق، شاھار باسشىسى اتالعان باسپا ءسوز شارالاردىڭ ءوتۋ ۋاقىتى مەن سپيكەرلەر تۋرالى مالىمەتتەر اكىمدىكتىڭ باسپا ءسوز قىزمەتى نەمەسە رەسمي اقپارات كوزدەرى ارقىلى حابارلاناتىنىن ايتتى.