داۋىل، جاۋىن، بۇرشاق - سەيسەنبىگە ارنالعان اۋا رايى
اتموسفەرالىق اۋا اعىنداردىڭ وتۋىنە بايلانىستى قازاقستاننىڭ باسىم بولىگىندە كەي جەرلەرىندە تۇراقسىز اۋا رايىمەن نايزاعاي جانە جاڭبىر كۇتىلەدى. سولتۇستىك وبلىستارىنىڭ كەي جەرلەرىندە قاتتى جاڭبىر جاۋادى. تەك وڭتۇستىكتە، وڭتۇستىك- شىعىستا جاۋىن-شاشىنسىز اۋا رايى بولجانادى. رەسپۋبليكانىڭ كەي جەرلەرىندە تۇمان، داۋىل كۇتىلەدى، جەل كۇشەيەدى، بۇرشاق جاۋۋى مۇمكىن.
اقمولا، سولتۇستىك قازاقستان، شىعىس قازاقستان، پاۆلودار، قوستاناي وبلىستارىنىڭ كەي جەرلەرىندە داۋىل، بۇرشاق جاۋىپ، جەل 15-20 م/س كۇشەيەدى، تۇمان تۇسەدى.
قاراعاندى وبلىسىنىڭ كەي جەرلەرىندە تۇندە جانە تاڭەرتەڭ تۇمان ءتۇسىپ، كۇندىز جەلدىڭ جىلدامدىعى 18 م/س جەتەدى.
ماڭعىستاۋ، تۇندە جانە تاڭەرتەڭ جامبىل، تاڭەرتەڭ جانە كۇندىز قىزىلوردا، كۇندىز باتىس قازاقستان وبلىستارىنىڭ كەي جەرلەرىندە جەل 15-20 م/س جىلدامدىقپەن سوعادى.
كۇندىز الماتى، جامبىل، قىزىلوردا، كەي جەرلەرىندە تۇركىستان، ماڭعىستاۋ، باتىس قازاقستان، وبلىستارىنىڭ قاتتى ىستىق كۇتىلەدى.
قىزىلوردا، تۇركىستان، اقتوبە، جامبىل، الماتى، كەي جەرلەردە قاراعاندى، شىعىس قازاقستان، قوستاناي وبلىستارىندا وتە جوعارى ءورت قاۋىپى ساقتالادى.